МУВАФФАҚИЯТФилми донишҷӯ соҳиби 3 ҷоизаи байналмилалӣ шуд

Филми донишҷӯ соҳиби 3 ҷоизаи байналмилалӣ шуд

-

Пайрав Шарифов

Филми коргардони ҷавони тоҷик Пайрав Шарифов бо номи “Хирсҳо” соҳиби се ҷоизаи байналмилалӣ гардид ва 17 декабр дар Канада намоиш дода мешавад.
Пайрав хатмкардаи мактаби синамогарони ҷавони назди Муассисаи давлатии «Тоҷикфилм» буда, айни ҳол донишҷӯи соли 4-уми бахши коргардонии Донишкадаи давлатии синамо ва телевизиони шаҳри Санк – Петербург аст.

Филми “Хирсҳо” дар бораи зиндагии чандрӯзаи пирамард ва наберааш дар ҷангал нақл мекунад. Пирамард зодаи даврони шуравӣ ва наберааш зодаи замони истиқлол буда, дар филм тафовути андешаву ҷаҳонбинии онҳо нишон дода мешавад. Филм дар шаҳри Санк – Петербург ба навор гирифта шудааст.

 

 

“Сенарияи филм қисман аз ҳаёти воқеии худам аст. Воқеаеро ки чанд сол қабл бо худам рух дода буд, бо якчанд ҳаводису саҳнаҳои дигар якҷо намуда, филмномаро таҳия кардам. Раванди сабти филм хеле мушкил буд, чунки ҳамаи саҳнаҳои филм дар берун сабт мешуданд ва сардии ҳаво ба мо мушкилӣ пеш меовард. Инчунин яке аз қаҳрамонҳои филм кӯдак буд ва ҳангоми сабт дар ҷангал ба хунуки тоб намеоварду зуд хаста мешуд. Ҳатто мошинеро, ки барои филм истифода мебурдем, вайрон шуда, корамонро ба таъхир мегузошт. Новобаста аз ин мушкилиҳо, мо дар муддати 6 моҳ филмро ба навор гирифта, нахустин бор 30-юми сентябр дар донишкада ба намоиш гузоштем.” – мегӯяд Пайрав Шарифов, муаллифи филм.

Пайрав бо қаҳрамони асосии филм

Филми “Хирсҳо” барои иштирок дар чандин фестивалҳои байналмилӣ пешниҳод шуда, соҳиби якчанд ҷоиза низ гардидааст. Филм ба 2-юмин кинофестивали байналмилалии “DREAMER”, ки аз 2 то 4-уми ноябр дар Қазоқистон баргузор гардид, пешниҳод шуд ва соҳиби ҷоизаи “Беҳтарин нақши мардона”  гардид.

“Интизор набудем, ки филм соҳиби ҷоиза мешавад ва ҳадафи мо низ танҳо иштирок дар фестивал буд. Баъд аз ҷоизаи нахустин мо филмро ба дигар фестивалҳо пешниҳод намудем. Бори дуввум филми “Хирсҳо” дар 5-умин кинофестивали байналмилалии “ZILANT”, ки 5-6 моҳи ноябр дар шаҳри Қазони Федератсияи Русия баргузор гардид, иштирок намуда дар номинатсияи “Беҳтарин филми донишҷӯ” соҳиби ҷоиза  гардид.

Яке аз қаҳрамонони асосии филм

Бо ин тартиб, бори сеюм филмро ба 2-юмин кинофестивали “Best Istanbul Film Festival”, ки дар Туркия баргузор гардид, пешниҳод намудем. Хушбахтона, дар ин ҷо ҳам филм соҳиби ҷоизаи “Беҳтарин коргардон – донишҷӯ” шуд.”, — мегуяд Пайрав Шарифов, муаллифи филм.

Айни ҳол филми “Хирсҳо” барои иштирок дар кинофестивали байналмилалии “8th Toronto Independent film Festival of Cift” пазируфта шуд. Фестивали мазкур 17-уми декабр дар Канада баргузор мегардад.

Довуд Акобиров

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
6
+1
6
+1
0
+1
0
+1
0
+1
0
+1
0

ХАБАРҲОИ ОХИРИН

8 ҷудочии дар «Baku Grand Slam 2023»

Мусобиқаи "Baku Grand Slam 2023" оид ба гӯштини ҷудо имрӯз, 22 сентябр оғоз шуд ва то 24 сентябр идома...

Арзиши аслӣ ва иҷораи китобҳои мактабӣ

Вазорати маориф ва илм ба иттилои омӯзгорон, хонандагон ва волидайни онҳо мерасонад, ки тибқи "Нақшаи дурнамои чопи китобҳои дарсӣ...

Ин мошин кадом маълумоти роҳҳоро ҷамъоварӣ мекунад?

Вазорати нақлиёти Тоҷикистон бо таҷҳизоти бақайдгирии дороиҳои роҳ таъмин гардид.  Таҷҳизот бо мақсади ҷамъоварии маълумот вобаста ба дороиҳои роҳ аз...

Муроҷиат чӣ гуна пешниҳод гардад ва кӣ бояд баррасӣ намояд?

Конститутсияи Ҷумҳурии Тоҷикистон ба ҳар кас ҳуқуқ медиҳад, ки ба танҳоӣ ва ё якҷо бо дигарон ба мақомоти давлатӣ...
spot_imgspot_img

Натиҷаи бозии Ал-Дуҳайл»-и Қатар ва «Истиқлол»-и Душанбе: 0:0

Бозии "Ал-Дуҳайл"-и Қатар ва "Истиқлол"-и Душанбе дар марҳалаи гурӯҳии Лигаи қаҳрамонҳои AFC  мусовӣ (0:0) анҷом шуд. Ҳамин тариқ, “Истиқлол”...

Ба ғолибони 19-ум Бозиҳои Осиёӣ дар Ҳангжоу кӣ хона тақдим мекунад?

Рустами Эмомалӣ, Раиси шаҳри Душанбе  ба ғолибони 19-ум Бозиҳои Осиёӣ дар Ҳангжоу хона тақдим мекунад. Онҳое, ки мақоми аввалро соҳиб...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад