Павел Дуров, директори генералии Telegram изҳор дошт, ки паёмрасон аз як ҳукумати аврупоии ғарбӣ талабнома гирифтааст, ки ба ҷараёни интихобот дар Руминия дахолат кунад.
Ба гуфтаи ӯ, дархост дар арафаи интихоботи президентӣ ворид шуда, аз зарурати «хомӯш кардани овозҳои консервативӣ» дар Руминия иборат буд. Дуров таъкид кард, ки аз иҷрои ин талабномаро рад кардааст.
Дар паёми худ, ки дар канали расмии Telegram нашр шудааст, ӯ номи кишварро мустақиман зикр накардааст, аммо бо истифода рамз ба он ишора кардааст, ки бисёриҳо инро ҳамчун ишора ба Фаронса маънидод карданд.
Дуров инчунин мавқеи худро дар бораи озодии баён ва интихобот баён кард. Ӯ изҳор дошт, ки «демократияро бо нобуд кардани демократия ҳимоя кардан мумкин нест». Ба ақидаи ӯ, озодии баён ва интихоботи одилона мафҳумҳои ҷудонопазир мебошанд ва мардуми Руминия сазовори ҳардуи онҳост.
«Озодии баён ва интихоботи одилона — ин мафҳумҳои ҷудонопазир мебошанд. Ва мардуми Руминия сазовори ҳардуи онҳост», — хулоса кардааст соҳибкор.
