Абдураҳим Ёқубов дар Чемпионати Осиё оид ба бокс миёни наврасону ҷавонон аз рақиби қирғистониаш Алмаз Орозбеков бо ҳисоби 2:3 мағлуб шуда, мақоми дуввумро ишғол кард.
Кумитаи олимпии Тоҷикистон иттилоъ медиҳад, ки дар финали ҷавонон як варзишгари мо – Абдураҳим Ёқубов дар вазни -60кг муҳориба карда, ҷои дуюмро ишғол намуд.
Абдураҳим то ба финал расидан дар се муҳориба муқобили варзишгарони Тайланд (Паочанзуек Фиси), Ҳиндустон (Рудра Пратап Сингҳ), Узбекистон (Суҳроб Аминов) дастболо шудааст.
Миёни ҷавонон се варзишгари дигарамон — Юсуф Фозилов (-71кг), Нурланбек Эрматов (-75кг), Акмалҷон Абдувалиев (-86кг) бо медалҳои биринҷӣ мукофотонида шуданд.
Варзишгаронамон миёни наврасон низ 4 медал ба даст оварданд: Анӯшервон Фозилов (-46кг) медали нуқра, Ҳангома Исоева (-57кг), Руслан Ғафуров (-57кг), Рустамҷон Ашӯров (-60кг) медали биринҷӣ.
Чемпионати Осиё оид ба бокс миёни наврасону ҷавонон 2 март дар шаҳри Аммони Урдун оғоз гардида 11 март ба анҷом расид. Дар чемпионат варзишгарон аз 21 давлати қора иштирок карданд.
Аз Тоҷикистон 21 варзишгар (11 нафар миёни ҷавонон, 10 нафар миёни наврасон) ба Урдун сафарбар гардиданд ва бо 8 медал – 2 нуқра, 6 биринҷӣ ба Ватан бармегарданд.
