Қаллобон аз номи бонуфӯзтарин ниҳоди байналмилалӣ-СММ истифода кардаанд.
Бинобар ин, СММ аксул амал нишон дода, даъват кардааст, ки ба ҳар гуна эълон ва мактубе, ки аз номи ин ниҳод ба нишонии онҳо ворид мегардад, бовар накунанд.
«Ба Созмони Милали Муттаҳид маълум гаштааст, ки тавассути почтаи электронӣ, вебсайтҳои интернетӣ, шабакаҳои иҷтимоӣ ва дигар воситаҳо, хабарҳои мухталифе, ки бардурӯғ аз номи Созмони Милали Муттаҳид ва/ё шахсони мансабдори он бо истифодаи ном ё рамзи СММ муаррифӣ мешаванд, паҳн карда мешаванд. Сухан дар бораи қаллобоне меравад, ки метавонанд аз гирандагони чунин мукотиба пул ва/ё маълумоти шахсиро тасарруф намоянд.», -омадааст дар муроҷиатномаи СМММ
Созмони Милали Муттаҳид мехоҳад шаҳрвандонро аз ин амалҳои қаллобӣ, ки аз номи СММ ва/ё шахсони мансабдори он паҳн мешаванд, огоҳ намояд.
Бояд донист:
• Созмони Милали Муттаҳид дар ягон марҳилаи ба кор ҷалбкунӣ (ариза\анкетасупорӣ, мусоҳиба, коркарди маълумот ё омӯзиш) ягон намуди пардохт намеситонад.
• Созмони Милали Муттаҳид ҳеҷ гуна маълумотро дар бораи суратҳисобҳои бонкӣ ё дигар маълумоти шахсии шуморо талаб намекунад.
• Созмони Милали Муттаҳид дар ягон марҳилаи раванди интихоби озмун барои харид ва маводҳо маблағ намегирад. Маълумоти иловагиро дар сомонаи СММ оид ба харид ва таъминот дастрас кардан мумкин аст.
• Созмони Милали Муттаҳид ҷоизаҳо, тӯҳфаҳо, пули нақд, сертификатҳо, стипендияҳо ё лотереяҳоро тавассути почтаи электронӣ, почта ё факс пешниҳод намекунад ва барои соҳиб шудан ба онҳо маблағ талаб намекунад.
Қаблан аз номи ширкатҳои тиҷоратӣ, шахсони бонуфӯз ва ғайра низ қаллобон истифода кардаанд.
Ҳуҷҷати ғайрирасмӣ. Танҳо барои маълумот.
