«…интернетпровайдерҳои Тоҷикистон дар пайравӣ аз ширкатҳои ҳамтои худ дар Федератсияи Русия пешниҳоди хизматрасониро дар шакли «Интернети бачагона», ки ҳама иттилооташ пешакӣ санҷидашудаву лоиқи истифодаи кўдакон аст, дар қаламрави ҷумҳурӣ ба роҳ мемонданд.»-пешниҳод кардааст Саломатшоҳ Аминҷонов, ассистенти коллеҷи омўзгории назди Донишгоҳи давлатии Бохтар, дар матлабе, ки сомонаи Кумитаи ҷавонон онро нашр кардааст.
Ба бовар ин нафар, дар Тоҷикистон ҳоло замони таъсиси шабакаи интернети бачагон фаро нарасидааст.
«Тибқи нишондоди оморӣ аз 109 нафари бачаҳои аз 8 то 15 сола мувоҷҷеҳи маводи порнографӣ дар шабака мешаванду наздики 17% пайваста аз захираи мамнўъ дидан мекунанд, тахминан 5,5% бошанд омодаанд, ки чизҳои дидаашонро дар амал татбиқ намоянд».
Ба бовари С. Аминҷонов, то замони пайдоиши чунин шакли хизматрасониҳо падару модаронро зарур аст, ки худро дар ин ҷода нотавон ҳис накарда, ба фарзандон тарзи дурусти истифодаву безарар бардошт карданро аз захираҳои шабакаи ҷаҳонӣ омўзонида бошанд. Ҳамзамон волидонро зарур аст, ки аз он маводе, ки фарзандон ба воситаи интернет ба даст меоранд, ҳамвора воқиф бошанд. Агар маводи бадастовардаи фарзанд бар зарари худи ў бошад, яъне боис ба халалдорсозии раванди иҷтимоишавиаш гардад, пас бо гапи солеҳ эшонро аз ин варта халос намудан лозим аст.
