Тими миллии футболи Эрон дар давраи баргузории Ҷоми ҷаҳонии футбол 2026 (2026 FIFA World Cup) дар Мехико (Mexico) иқомат хоҳад кард ва танҳо рӯзҳои бозӣ ба Амрико сафар мекунад.
Ба гуфтаи Клаудия Шейнбаум, Президенти Мехико, мақомоти ИМА изҳор доштаанд, ки намехоҳанд тими Эрон дар тамоми давраи мусобиқот (аз 11 июн то 19 июл) дар Амрико бимонад, бинобар ин, ФИФА (FIFA) ба ҳукумати Мексика муроҷиат кардааст.
Эрон бояд се бозии худро дар гурӯҳи G-дар ИМА бояд анҷом диҳад.
Шейнбаум дар нишасти матбуотӣ гуфтааст, «мо ҳеҷ сабабе намебинем, ки ба онҳо имкони иқомат дар Мексикаро рад намоем.»
Тими Эрон бояд: 15 июн бо Зеландияи Нав Дар Лос-Анҷелес бозӣ кунад, 21 июн бо Белгия дар Лос-Анҷелес ва 26 июн бо Миср дар Сиэтл бозӣ бояд анҷом диҳад.
Нақшаҳои Эрон барои иштирок дар Ҷоми ҷаҳон аз охири моҳи феврал зери таваҷҷуҳи зиёд қарор дорад. Зеро Иёлоти Муттаҳида ҳамроҳ бо Исроил ба Эрон ҳамла карданд. Ин вазъият шубҳаҳоро ба вуҷуд овард, ки оё Теҳрон тими худро ба яке аз кишварҳои мизбони мусобиқот мефиристад ё не.
Моҳи март Меҳдӣ Тоҷ, президенти Федератсияи футболи Эрон гуфта буд, ки Эрон бо ФИФА (FIFA) дар бораи имкони интиқоли бозиҳои гурӯҳии худ ба Мексика гуфтушунид мекунад. Ҳамон вақт Клаудия Шейнбаум низ изҳор дошт, ки Мексика барои мизбонии ин бозиҳо омода аст. Бо вуҷуди ин, FIFA ҷадвали мусобиқотро тағйир надод.
Ин номуайянӣ боиси овозаҳои бештар гардид. Моҳи апрел намояндаи Доналд Трамп бо номи Паоло Замполли пешниҳод карда буд, ки Италия ҷойгузини Эрон дар Ҷоми ҷаҳон шавад. Аммо ин пешниҳод аз ҷониби мақомоти Италия ва ФИФА рад карда шуд.
