МУВАФФАҚИЯТПИРӮЗИИ ПАНҶШЕР ДАР CHAMPIONSHIP BRAZILIAN JIU-JITSU

ПИРӮЗИИ ПАНҶШЕР ДАР CHAMPIONSHIP BRAZILIAN JIU-JITSU

-

Панҷшер Орзуев варзишгари тоҷик дар мусобиқаи “II INTERNATIONAL POLISH CHAMPIONSHIP BRAZILIAN JIU-JITSU” иштирок ва мақоми аввалро соҳиб гардид. Мусобиқа охири моҳи майи соли равон дар шаҳри Познани Лаҳистон баргузор шуд ва Панҷшер бо мағлуб кардани 3 ҳарифаш ғолибиятро ба даст овард.

“Бори дуюм аст, ки дар мусобиқа иштирок мекунам. Мусобиқаи нахустин моҳи апрел дар шаҳри Варшава баргузор шуда буд. Дар он мусобиқа дар равияи ADCC иштирок ва бо мағлуб кардани ҳарифони худ ҷойи аввалро соҳиб шудам.”, нақл кард Панҷшер.

Панҷшер дастпарвари тими варзишии “ТEAMSAYFIDDINOV” буда, зери назари устодаш Шамсиддин Сайфиддинов  тарбия гирифтааст. Инчунин ғолиби як катор мусобиқаҳои шаҳрӣ ва ҷумҳуриявӣ низ ҳаст.

 “Дар аввал ба Grappling  чандон шавқу завқ надоштам. Бародарам бошад дар ҳамин навъ тамрин мекард. Ӯ ба ман пешниҳод кард, ки тамринро оғоз кунам ва бо роҳнамоии бародарам соли 2020 ба тими варзишии “ТEAMSAYFIDDINOV” пайвастам. Баъд аз чанд моҳи тамрин мусобиқаи ҷумҳуриявии “TAJIKISTAN GRAPPLING OPEN CHAMPIONSHIP” баргузор шуд. Ман ҳам дар он мусобиқа ширкат карда, ғолиби ҷойи аввал гаштам. Ҳамин тавр шавқу рағбатам ба варзиш зиёд гардид.”, – мегӯяд Панҷшер

Панҷшер зодаи ноҳияи Дарвоз буда, феълан донишҷӯи соли аввали Донишгоҳи иқтисодии шаҳри Варшаваи Лаҳистон аст.

“Соли 2021 ба Донишгоҳи иқтисодии шаҳри Варшава дохил шудам. Вақте ба Лаҳистон омадам то ҳол ба варзиш дилгарм будам ва қарор додам, ки дар ин ҷо ягон толор пайдо карда, тамринамро идома диҳам. Айни ҳол дар толори Макс Томашевский тамрин мекунам. Дар инҷо бо дастгирии устодон дар мусобиқаҳо ширкат карда, ғолиб шудам”- мегӯяд Панҷшер.

Довуд Акобиров

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
8

+1
0

+1
0

+1
0

+1
0

+1
0

+1
0

ХАБАРҲОИ ОХИРИН

Муҳиққиқи тоҷик дар Амрико рисолаи докториро ҳимоя кард

Ахиран дар маросими бошукуҳе дар Амрико дипломи дараҷаи докторӣ ба як муҳаққиқи тоҷик супурда шуд. Иброҳим Рустамов, зодаи шаҳри...

Samsung iPhone-ро нусхабардорӣ кардааст?

Намояндаи Apple гуфтааст, Samsung iPhone-ро нусхабардорӣ карда, танҳо як экрани калонтар илова кардааст. Дар мусоҳибае ба The Wall Street...

VPN ба ифшои 25 миллион маълумот муттаҳам мешавад

Коршиносони Cybernews муайян карданд, ки пойгоҳи Bean VPN маълумоти шахсии миллионҳо корбарро фош кардааст. Дар пойгоҳи додаҳои кашфкардаи муҳаққиқон беш...

Маск аз Криштиан Роналдо пеш мегузарад?

Илон Маск аллакай дар Twitter беш аз 100 миллион пайрав дорад. То расидан ба сатҳи Криштиан Роналд барои ӯ...
spot_imgspot_img

Шикасти КМВА-и Душанбе аз дастаи «Суғдиёна»-и Узбекистон

Дар даври дуюми марҳилаи гурӯҳии Ҷоми КФО-2022 дар гурӯҳи «Е» барандаи медали биринҷии Чемпионати Тоҷикистон - КМВА-и Душанбе, ки...

$2,5 миллион бурсияи хонандагони Литсейи шаҳри Хуҷанд

Давоми соли хониши 2021-2022 муҳассилини литсей барои хонандагони болаёқати шаҳри Хуҷанд дар беш аз 15 олимпиадаи фаннии байналмиллалӣ дар...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад