242 000 китобҳои дарсии забони англисӣ барои мактабҳои миёнаи Тоҷикистон супурда шуд. Дар маросими тақдими ин китобҳо Сафири ИМА Мануэл Микаллер ва вазири маориф ва илм Саидзода Раҳим Ҳамро ширкат карданд.
Аз 242 000 китобҳои дарсии забони англисӣ 115 000 китоби дарсӣ барои синфи 10; 115 000 китоби дарсӣ барои синфи 11; 6 000 китоб барои муаллимони синфи 10; 6 000 китоб барои муаллимони синфи 11 ва 12,000 CD дорои маводи таълимӣ барои муаллимон баҳри таълими дарсҳои ба хонандагон нигаронидашуда, иборат мебошанд. Китобҳои номбаршуда ба Вазорати маориф ва илм дар шаҳри Душанбе дастрас карда шудаанд.
Ин китобҳои дарсии забони англисӣ ба меъёрҳои муқаррарнамудаи Вазорати маориф ва илм барои барномаҳои таълимии забони англисӣ мувофиқат мекунанд. Дар китобҳои дарсӣ усулҳои муосири омӯзиши забонҳо, яъне таълими ба хонанда нигаронидашуда, таълими коммуникативӣ ва омӯзиш дар асоси машқҳо истифода мешаванд, ки ба рушди тафаккури интиқодӣ мусоидат мекунанд. Дар китобҳои дарсӣ ва машқҳо аз заминаи фарҳангӣ ва таърихи тоҷикон ва фарҳангҳои саросари ҷаҳон истифода шудааст.
Илова ба пешниҳоди 242 000 китоби дарсии забони англисӣ барои синфҳои 10 ва 11, Сафорати ИМА дар Тоҷикистон, дар якҷоягӣ бо шарикон, барои ба Вазорати маориф ва илм пешниҳод намудани 352 611 китоби дарсии забони англисӣ барои синфҳои 8 ва 9, ки 5800 китоб барои омузгорог ва 5800 CD барои омӯзиши мустақилонаю истифодаи самараноки захираҳои мавҷударо дар бар мегирад, корҳоро идома дода истодааст.
