Шеваи тасвирофарии Акмал аз аксари рассомон тафовут дорад. Ӯ бо қайчиву коғаз, вазелин, тухм ва тухмпазак тасвир меофарад. Ҳатто бо се қалам якбора се расм тасвир мекунад.
Акмал Валиеви 18-сола ҳоло дар Донишгоҳи давлатии сибирӣ дар Красноярск таҳсил менамояд.
Ин рассоми ҷавон бо истифода аз қайчию коғази сафед чеҳраи дилхоҳ нафарро тасвир мекунад. Инчунин дар тухмпазак чеҳраро тарҳрезӣ, сипас бо сафедии тухм онро возеҳ намуда, бо гармии манқали барқӣ расмро “мепазонад”.
Ӯ чеҳраҳои шинохтаи фазои маҷозиро тасвир ва тариқи “Instagram” ва “TikTok” шабакаҳои иҷтимоӣ ба иштирок мегузорад. Зеро, бо ин роҳ шуҳратёр гардидан осон аст.
Ҳамсуҳбати мо мегӯяд, модараш рассомӣ мекард ва дар дили Акмал аз хурдӣ ин пеша ҷой гирифт. Бинобар ин, кӯшиш мекард чеҳраи одамонро тасвир кунад:
“Ман аз кӯдакиям ба рассомӣ шавқи зиёд доштам. Бо фароҳам омадани шароит ва дастрасӣ ба интернет, рассомиро аз наворҳои интернетӣ омӯхтам.”
Акмал Валиев рассоми касбӣ нест, ӯ ин корро аз интернет бисёр касбу пешаҳоро омӯхтан мумкин аст.
Қаҳрамони мо ҳоло аз рассомӣ фоидаи моддӣ ба даст намеорад, балки ин шуғлашро барои шуҳратёр шуданаш идома медиҳад.
Ӯ мегӯяд, расмҳоеро тасвир карданист, ки то ҳол дар Тоҷикистон касе онҳоро тасвир накарда бошанд ва ба ин восита Акмал муаррифгари кишварамон бошад.
Ҳ. Тоҳирӣ
