Сайёҳони австралиягӣ метавонанд имкони парвоз ба бузургтарин шаҳрҳои ИМА, аз ҷумла Лос-Анҷелес, Сан-Франсиско, Ню-Йорк, Чикагоро аз даст диҳанд. Маъмурияти президенти ИМА Доналд Трамп нақшаеро таҳия мекунад, ки тибқи он ба «шаҳрҳои паноҳгоҳ» (“sanctuary cities”) қабули парвозҳои байналмилалӣ манъ карда мешавад. Дар ин бора шабакаи телевизионии 9News хабар додааст.
Вазири амнияти дохилии ИМА дар мусоҳиба ба Fox News гуфтааст, ки ниҳодаш барои фурудгоҳҳои воқеъ дар «шаҳрҳои паноҳгоҳ» маҳдудияти қабули парвозҳои байналмилалиро омода мекунад. Ин шаҳрҳо он маҳалҳое мебошанд, ки мақомоти маҳаллӣ муҳоҷирони ғайриқонуниро барои ихроҷ ба мақомоти федералӣ намесупоранд.
Ба иттилои шабака, барои шаҳрвандони Австралия ин метавонад мушкилоти ҷиддӣ ба бор орад. Аксари сайёҳони австралиягӣ маҳз дар Лос-Анҷелес ва Сан-Франсиско фуруд меоянд, ки ҳарду «шаҳрҳои паноҳгоҳ» ба ҳисоб мераванд.
