Вазорати молияи Тоҷикистон ва Фонди байналмилалии рушди кишоварзӣ дар Тоҷикистон созишномаи грантиро дар ҳаҷми 19,7 млн доллар ба имзо расонид.
26 майи соли равон созишномаро Файзиддин Қаҳҳорзода, вазири молияи Тоҷикистон ва Роберто Лонго, директори минтақавии Фонди байналмилалии рушди кишоварзӣ дар Тоҷикистон ба имзо расониданд.
«Маблағи умумии созишномаи мазкур 19,7 млн доллари амрикоиро ташкил намуда, он пурра маблағҳои грантии Фонди байналмилалии рушди кишоварзӣ мебошад. Ҳамзамон, дар доираи лоиҳаи мазкур 2,3 млн доллар аз ҳисоби саҳми Ҳукумати Ҷумҳурии Тоҷикистон маблағгузорӣ мегардад.»,-хабар додааст Вазорати молия.
Ҳадафи асосии лоиҳа баланд бардоштани сатҳи некуаҳволӣ, даромад ва устувории хонаводаҳои деҳоти Тоҷикистон, хусусан чорводорони хурд, тавассути беҳтар намудани маҳсулнокии соҳаи чорводорӣ, идоракунии устувори чарогоҳҳо ва мутобиқшавӣ ба тағйирёбии иқлим иборат будааст.
Лоиҳа, инчунин ба рушди занҷири арзиши маҳсулот, соҳибкории хурду миёна, беҳтар кардани сохтори ғизои аҳолӣ ва васеъ намудани дастрасии деҳқонон ба бозорҳои маҳаллӣ ва минтақавӣ нигаронида шудааст.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
