Интизор меравад, ки манъи истифодаи шабакаҳои иҷтимоӣ барои кӯдакони то 16-сола ҳафтаи оянда аз ҷониби Шӯрои вазирони Испания тасдиқ шавад. Сарвазири Испания изҳор дошт, ки Мадрид ноболиғонро аз «Ғарби ваҳшии рақамӣ» ҳифз хоҳад кард.
Сарвазири Испания Педро Санчес рӯзи 3 феврал дар Дубай гуфт, ки Испания дастрасии кӯдакони то 16-соларо ба шабакаҳои иҷтимоӣ манъ мекунад.
Ӯ таъкид кард: «Платформаҳо ӯҳдадор мешаванд, ки низомҳои муассири санҷиши синну солро ҷорӣ намоянд, на барои намоиш, балки монеаҳои воқеие, ки амал мекунанд».
Ин иқдом ҷузъи бастаи васеи чораҳоест, ки ба гуфтаи Санчес, барои «барқарор кардани назорат» бар фазои рақамӣ заруранд.
Нигарониҳо дар бораи таъсири манфии истифодаи аз ҳад зиёди смартфонҳо ва шабакаҳои иҷтимоӣ ба саломатии равонии кӯдакон дар дигар кишварҳо низ вуҷуд доранд. Масалан, Дания қаблан аз нақшаи манъи истифодаи шабакаҳои иҷтимоӣ барои кӯдакони то 15-сола хабар дода буд.
Париж исрор дорад, ки чунин манъият аз моҳи сентябр ҷорӣ карда шавад. Дар Португалия бошад, ҳизби ҳокими сотсиал-демократ 2 феврал лоиҳаи қонунеро пешниҳод кард, ки тибқи он кӯдакони то 16-сола барои дастрасӣ ба шабакаҳои иҷтимоӣ бояд иҷозати волидонро гиранд.
Австралия аввалин кишвари ҷаҳон шуд, ки истифодаи шабакаҳои иҷтимоиро барои шахсони то 16-сола манъ кард.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
