Хабаргузории Синхуа аз баргузории Анҷумани дӯстии ҷавонон дар Пекин бахшида ба 30-умин солгарди барқарории муносибатҳои дипломатӣ байни Чин ва кишварҳои Осиёи Марказӣ иттилоъ медиҳад. Ба иттилои ин расона, чорабиниро Федератсияи умумичиноии ҷавонон ташкил кардааст.
Дар ин ҳамоиш ҳудуди 100намояндаи созмонҳои ҷавонон, соҳибкорони ҷавон ва донишҷӯён аз кишварҳои зикршуда дар форматҳои онлайн ва офлайн ширкат варзиданд.
Муовини раиси Федератсияи умумичиноии ҷавонон Фу Чжэнбан зимни суханронии худ қайд кардааст, ки тӯли 30 соли охир ҷавонони Чин ва кишварҳои Осиёи Марказӣ аз ҳамдигар омӯхта, даст ба дасти ҳамдигар гузошта, дар осоиштагии минтақа саҳм гузоштаанд. Вай аз ҷавонони Чин ва Осиёи Марказӣ даъват кардааст, ки масъулиятро тақсим ва рисолати худро иҷро намуда, барои идомаи дӯстӣ, ҳамкорӣ, суботи минтақаӣ ояндаи дурахшон барои шукуфоии муштарак саҳим бошанд.
Соли ҳафтум аст, ки Иттифоқи умумичиноии ҷавонон чунин чорабиниҳоро доир намуда, ин муддат ҳудуди 1000ҷавонро аз Осиёи Марказӣ даъват кардааст, ки барои ширкат дар мубодилаи афкор ба Чин оянд.
