Дар шаҳри Душанбе дар ҳошияи Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, 2018–2028» ҳамоиши махсус таҳти унвони «Устувории захираҳои об тавассути шарикӣ: ҳамгироии роҳҳалҳои табиатан асосёфта ва идоракунии ҷомеавӣ дар Осиёи Марказӣ» баргузор гардид.
Чорабинӣ 25 май дар меҳмонхонаи Hilton Dushanbe бо иштироки намояндагони созмонҳои байналмилалӣ, ҷомеаи шаҳрвандӣ ва коршиносони соҳаи муҳити зист аз кишварҳои Осиёи Марказӣ доир шуд.
Дар оғози ҳамоиш намояндагони намояндаи Кумитаи ҳифзи муҳити зисти назди Ҳукумати Ҷумҳурии Тоҷикистон,намояндаи сафорати Олмон дар Тоҷикистон ва намояндаи созмони WHH дар Тоҷикистон суханронӣ карда, аҳамияти ҳамкориҳои минтақавӣ барои ҳифзи захираҳои об, мутобиқшавӣ ба тағйирёбии иқлим ва рушди устуворро таъкид карданд.
Дар ҷаласаи аввал, ки ба роҳҳалҳои табиатан асосёфта ва барқарорсозии экосистемаҳо бахшида шуда буд, иштирокчиён масъалаҳои ҳифзи давраи глобалии об, истифодаи оқилонаи обҳои зеризаминӣ, нақши ҷавонон дар муҳити зист ва саҳми расонаҳо дар баланд бардоштани маърифати экологиро баррасӣ намуданд.
Коршинос аз Қазоқистон Булат Ессекин дар бораи аҳамияти ҳифзи давраи глобалии об сухан гуфт. Икром Мамадов аз созмони ҷамъиятии «Гурӯҳи ҷавонон оид ба ҳифзи муҳити зист» масъалаи обҳои зеризаминӣ ва навовариҳои ҷавононро матраҳ кард. Наргис Қосимова аз Ӯзбекистон ба нақши ВАО дар баланд бардоштани огоҳии аҳолӣ оид ба масъалаҳои об таваҷҷуҳ зоҳир намуд.
Дар бахши дуюм иштирокчиён масъалаҳои татбиқи абзорҳои амалӣ ва идоракунии фарогири захираҳои обро муҳокима карданд. Намояндагони созмонҳои ҷамъиятӣ аз Қирғизистон ва Тоҷикистон таҷрибаи ҳамкориҳои маҳаллӣ ва минтақавиро дар самти мутобиқшавӣ ба тағйирёбии иқлим ва истифодаи устувори захираҳои табиӣ муаррифӣ намуданд.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
