Роҳбарияти Федератсияи футболи Тоҷикистон мунтахаби наврасони Тоҷикистон (U-17)-ро ба Ҷоми Осиё-2026 гусел кард. Имшаб дастаи мо ба шаҳри Дубай парвоз карда, онҷо марҳилаи ниҳоии омодагиро мегузаронад.
Пеш аз сафар ба АМА ноиби якуми президенти ФФТ Хуршед Мирзо ва котиби генералии ФФТ Фурқат Ахмедҷонов бо даста вохӯрда, аҳамияти мусобиқаи дарпешистодаро таъкид карданд ва ба имкониятҳои даста эътимод изҳор намуданд.
Дар ҷараёни суҳбати гарму самимӣ, роҳбарияти ФФТ ба даста дар Ҷоми Осиё-2026, ки аз 5 то 22 май дар Арабистони Саудӣ баргузор мешавад, дар роҳи муаррифии кишвар дар саҳнаи байналмилалӣ ва дарёфти роҳхат ба Ҷоми ҷаҳон-2026 муваффақият таманно намуд.
Қобили зикр аст, ки мунтахаби наврасони то 17-солаи Тоҷикистон дар Ҷоми Осиё-2026 дар гурӯҳи «А» бо тимҳои Тайланд (5 май), Мянмар (9 май) ва Арабистони Саудӣ (12 май) рақобат мекунад.
Манбаъ: ФФТ
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
