Тарроҳи машҳури итолиёвӣ Ҷорҷо Арманӣ 4 сентябр дар 91-солагӣ аз олам даргузашт, менависад рӯзномаи Corriere della Sera.
Арманӣ 11 июли соли 1934 дар шаҳри Пячентса, наздики Милан таваллуд шудааст. Соли 1975 якҷо бо меъмор Сержо Галеоттӣ Хонаи мӯди Giorgio Armani-ро таъсис дода, нахустин коллексияи либоси мардона ва занонаро муаррифӣ намуд. Ҳамчунин мафҳуми «стилист»-ро низ ба Арманӣ нисбат медиҳанд.
Ғайр аз либос, Арманӣ коллексияҳои лавозимоти ороишӣ, мебел, атр истеҳсол карда, бо филмсозон ҳамкорӣ менамуд ва барои филмҳои «Сенздаҳ дӯсти Уушен», «Шармандаҳои беном» ва чандин вилми дигар либос таҳия кардааст. Аз соли 2005 ҳамчунин ба соҳибкорӣ дар бахши меҳмонхонаҳо рӯй оварда буд. Ӯ ҳеҷ гоҳ издивоҷ накарда ва фарзанд надошт.
Арманӣ яке аз сарватмандтарин шахс дар Итолиё ба шумор мерафт. Тибқи баҳогузории Forbes, соли 2025 дороии ӯ 12,1 миллиард доллар арзёбӣ мешуд. Ӯ ду меҳмонхона дар Милану Дубай ва дар саросари ҷаҳон 26 тарабхона дошт.
