Барномасозон замимаеро бо номи ReVanced омода кардаанд, ки имкон медиҳад ҳангоми тамошои видео дар шабакаи YouTube таблиғро хомӯш кунед.
Замима барои смартфонҳои Android алтернативаи ройгон ба YouTube Premium буда, таблиғро барои корбарон ғайрифаъол мекунад ва боз чанд хусусиятҳои муфиди дигарро дорост.
Замимаи ReVanced 15 июн ба бозор арза гардид ва айни замон танҳо намунаи APK дастрас аст.
Шабакаи YouTube дар оғоз ва охири наворҳо ба бинанда таблиғот пешниҳод мекунад. Дар сурати тӯлони будани навор шумо шоҳиди чандин таблиғот аз ҷониби YouTube мегардед, ки барои бинанда хушоянд нест.