Ғолибони озмуни «Беҳтарин барномасоз» эълон шуд. Дар номинатсияи барномасозӣ Бинёмин Афроимов, донишҷӯи Донишгоҳи техникии Тоҷикистон ба номи М.С. Осимӣ, соҳиби ҷойи 1-ум бо Диплом ва мукофотпулӣ дар ҳаҷми 5000 сомонӣ мукофотонида шуд. Ҷойи 2-юм насиби Шокирӣ Муҳаммадризо Асрориддин, донишҷӯи Донишгоҳи технологии Тоҷикистон ва Сомон Усмонзода, донишҷӯи Донишгоҳи славянии Россия ва Тоҷикистон, бо Диплом ва 3000 сомонӣ, ҷойи 3-юм насиби Назирҷон Тилабов, донишҷӯи Донишгоҳи давлатии молия ва иқтисоди Тоҷикистон ва Шуҳрат Абдуқодиров, донишҷӯи Донишгоҳи миллии Тоҷикистон, бо Диплом ва 1500 сомонӣ мукофотонида шуданд.
Дар номинатсияи лоиҳаи инноватсионӣҷойи 1-ум сазовори Анушервон Исматов, донишҷӯи ДМТ, бо Диплом ва 5000 сомонӣ, ҷойи 2-юм насиби Шаҳбоз Мирзоев, донишҷӯи Донишгоҳи технологии Тоҷикистон ва Юсуфҷон Абдушаҳидов, донишҷӯи Донишгоҳи давлатии Москва ба номи М.В. Ломоносов дар шаҳри Душанбе, бо Диплом ва 3000 сомонӣ ва барои ҷойи 3-юм Шаҳром Шоҳимардонов, донишҷӯи Донишгоҳи давлатии омӯзгории Тоҷикистон ба номи Садриддин Айнӣ ва Умар Умаров, донишҷӯи Донишгоҳи давлатии молия ва иқтисоди Тоҷикистон, бо Диплом ва 1500 сомонӣ мукофотонида шуданд.
Ёдовар мешавем, ки Донишгоҳи давлатии молия ва иқтисоди Тоҷикистон 24 октябр байни донишҷӯёни муассисаҳои таҳсилоти олии касбии кишвар озмуни «Беҳтарин барномасоз»-ро баргузор намуд. Соли дуюм аст, ки озмуни «Беҳтарин барномасоз» дар ин донишгоҳ доир мегардад ва ин навбат иштирокчиёнро аз 23 муассисаи таҳсилоти олии касбии кишвар ҷамъ овардааст.
Озмун аз рӯйи 2 номинатсия, технологияҳои иттилоотӣ ва таҳияи лоиҳаҳои инноватсионӣ оид ба автоматикунониии зерсохторҳои муассисаҳои таҳсилоти олии касбӣ баргузор мегардад, ки дар он 39донишҷӯ аз 23 муассисаи таҳсилоти олии кишвар иштирок кардаанд.
Аксҳаз саҳифаи фейсбукии ДДМИТ
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
