Мудири дафтари ҳамоҳангсозии сиёсати ҳукумати Кореяи Ҷанубӣ Ку Юн-Чол бо Ширин Амонзода, вазири меҳнат, муҳоҷират ва шуғли аҳолии Тоҷикистон дар маҷмааи ҳукуматӣ дар Сеул мулоқот намуд.
Сомонаи yna.co.kr иттилоъ медиҳад, ки дар мулоқот Ку Юн-Чол ва Амонзода роҳҳои густариши ҳамкории Кореяву Тоҷикистонро баррасӣ намуданд.
Ку Юн-Чол, мудири Дафтари ҳамоҳангсозии сиёсати ҳукумати Кореяи Ҷанубӣ аз имзои ёддошти тафоҳум дар соҳаи кишоварзӣ бо шаҳрдори Сангҷу Канг Ёнг Сеок, ки 8 апрел сурат гирифта буд, ёдовар шуда, изҳори умедворӣ намудааст, ки ҳамкориҳо дар соҳаҳои гуногун, аз ҷумла дар соҳаи меҳнат вусъат меёбад:
«Умедворам, ки Ёддошти тафоҳум оид ба корҳои мавсимии кишоварзӣ ва моҳипарварӣ, ки ҳафтаи гузашта миёни Сангҷу, Кёнбук ва Тоҷикистон ба имзо расид, натиҷаҳои хуб хоҳад дод ва замина барои густариши ҳамкориҳои шуғли ду кишвар мешавад.»
Акси асосии матлаб аз сомонаи woorieconomy.com. Ширин Амонҷода, вазири меҳнат, муҳоҷират ва шуғли аҳолии Тоҷикистон дар утоқи протоколиии Фурудгоҳи байналмилалии Инчон
