Роҳи муҳоҷирони гирифтори гепатити «B», «C» сил ба Русия баста мешавад

Раиси Кумитаи Думаи давлатии Русия оид ба масъалаҳои меҳнат Ярослав Нилов дар канали телеграми худ хабар дод, ки ба Думаи давлатӣ лоиҳаи қонун дар бораи талаботи иловагии тиббӣ барои муҳоҷирони меҳнатӣ пешниҳод хоҳад шуд.

Ба хусус, илова бар доштани суғуртаи ҳатмии тиббӣ, муҳоҷирон бояд натиҷаи таҳлилеро пешниҳод кунанд, ки набудани моддаҳои нашъаовар ва психотропиро дар бадани онҳо тасдиқ мекунад.

Ҳамчунин, шахсоне, ки ба Русия меоянд, бояд бо худ маълумотнома -и тоза дошта бошанд, ки набудани ВИЧ, гепатити B ва C, сил ва сифилисро тасдиқ мекунад.

«Агар аз ин рӯйхат чизе набошад, аз сарҳад бозпас гардонда шаванд», — хулоса кардааст Нилов.