Бар асоси захираҳои иттилоотии «Профили рақамии шаҳрвандони хориҷӣ» дар Русия корти ID ҷорӣ хоҳад шуд, ки шахсияти муҳоҷиронро тасдиқ мекунад. Дар ин бора Раёсати асосии масъалаҳои муҳоҷирати ВКД Русия хабар додааст.
Ахиран Президенти Федератсияи Русия фармони «Дар бораи захираҳои иттилоотии давлатии «Профили рақамии шаҳрвандони хориҷӣ»-ро имзо кард. Дар ин захира маълумот дар бораи шаҳрвандони хориҷӣ ва шахсони бешаҳрванд, ки ба Русия ворид мешаванд, аз он мебароянд ва ё дар ҳудуди Федератсияи Русия қарор доранд, нигоҳ дошта мешавад. Ин низом бояд соли 2026 ба кор оғоз намояд.
«Дар асоси ҳамин захираи иттилоотӣ дар оянда дигар ҳалли техникии муосир низ амалӣ мегардад, масалан, ҷорӣ намудани корти ID — ҳуҷҷати ягонае, ки шахсияти як шаҳрванди хориҷиро дар Русия бо истифода аз нигаҳдории электронии маълумот тасдиқ мекунад.», — омадааст дар канали Телеграмии ин ниҳод.
Маълумот дар бораи шаҳрвандони хориҷӣ, ки дар низомҳои иттилоотии гуногуни давлатӣ нигоҳ дошта мешавад, ба як парвандаи рақамии ягона муттаҳид карда мешавад. Пояи технологӣ барои ин — маҷмӯи маълумоти биометрӣ хоҳад буд,аз ҷумла тасвир ва изи ангуштҳо).
Созмон додани ин захира ба ВКД Федератсияи Русия супурда шудааст.
