Ютубери маъруфи русу амрикоӣ Виталий Здороветский дар Филиппин боздошт гардид ва ӯро то 24 соли ҳабс таҳдид мекунад. Сабаб — пранки навбатӣ аст, ки дар он ба як посбон дар минтақаи тиҷоратии шаҳри Тагиг озор мерасонд.
Здороветский ҳангоми наворбардорӣ посбонеро озор медиҳад, ки нооромсозӣ ва нақзи тартиботи ҷамъиятӣ унвон мешавад. Ҳамчунин, зидди ӯ бо чанд моддаи қонун парванда боз шудааст:
-
Нороҳаткунии беасоси шаҳрвандон,
-
Кӯшиши дуздӣ,
-
Ва бесуботсозии фазои ҷамъиятӣ.
Мақомот гуфтанд, ки блогер шаҳрвандони Филиппинро дар кӯчаҳо таъқиб мекард то муҳтаво эҷод кунад.
Пас аз боздошт Виталий Здороветский ҳамчун «шахси хориҷии номатлуб» эълон гардид. Вайро метавонанд аз Филиппин ихроҷ кунанд ва дар сурати маҳкум шудан, ҷазои тӯлонии зиндон таҳдид мекунад.
Соли 2014 Здороветскийро барои ворид шудан ба майдони футбол дар финали Ҷоми ҷаҳонии Бразилия боздошт карда буданд. Пранкҳои баҳсбарангези ӯ борҳо сабаби боздошт ва интиқоди ҷиддӣ гардидаанд.
