Севинч то кунун мошинаи куҳна дошту бо асобағал роҳ мерафт. Акнун соҳиби мошинаи нав ва ароба шуд. Чанде қабл JOM дар бораи вазъи ӯ гузориш карда буд ва ин духтараки 14-сола орзуи мошинаи нав барои хайётӣ ва аробаи маъюбӣ карда буд.
Баъд аз гузориши мо, Ташкилоти ҷамъиятии хайриявии “Тавҳид” ба ӯ мошина ва ароба кумак кард. Акнун ӯ бо хушҳолӣ аз мошинаву аробааш истифода мекунад.
Севинч Абдураҳмонова, сокини 15-солаи шаҳри Панҷакент аст. Ӯ маъюб мебошад, вале бо вуҷуди доштани маълулият гӯшае нанишаста ҳунари хайётиро аз худ намудааст ва онро ба як манбаи даромади хеш табдил додааст.
Севинч мактаб намеравад, вале хондаву навишта метавонад, расмҳои ҷолиб тасвир мекунад.
Ӯ кӯрпаву болишт, дастархон, руймолча медӯзад ва ин кораш ба як манбаи даромаш табдил гардидааст.
Севинч мизоҷонашро мустақим пайдо карда наметавонад то фармоишҳои нав қабул намояд. Зеро, фурӯшгоҳе надорад. Муштариён ӯро ба мушкилӣ пайдо мекунанд.
