Истифодаи зеҳни сунъӣ мутахассисонро дар Ширкати Duolingo иваз мекунанд. Ширкати Duolingo дар бораи гузариш ба стратегияи AI-first хабар дод, ки ба татбиқи васеъмиқёси зеҳни сунъӣ ба тамоми равандҳо нигаронида шудааст. Ширкат ният дорад, ки эҷоди мундариҷаро суръат бахшад, ҳамгироии технологияҳои пешрафтаро ба роҳ монад, дастрасии васеи корбаронро ба маводи таълимӣ таъмин кунад ва кормандонро бо зеҳни сунъӣ иваз кунад, хабар медиҳад The Verge.
Луис фон Ан, Директори генералии Duolingo ба кормандон номае фиристод, ки дар саҳифаи расмии ширкат дар LinkedIn нашр шудааст. Дар он ӯ таъкид кардааст, ки зеҳни сунъӣ унсури калидии тамоми низоми дохилӣ хоҳад шуд ва мутахассисон тадриҷан аз фаъолияти амалиётӣ хориҷ карда мешаванд.
Яке аз намунаҳои муваффақи стратегияи нав автоматикунонии раванди эҷоди маводи таълимӣ гардид. Қаблан ин солҳоро дар бар мегирифт, аммо ҳоло, ба шарофати зеҳни сунъӣ, ширкат метавонад дар моҳҳои наздик ба миллионҳо корбарон мундариҷа пешниҳод кунад. Дар байни самтҳои дурнамои рушд — функсияи Video Call, ки ба корбарон имкон медиҳад, ки дар ҳамон сатҳе, ки мураббиёни касбӣ таълим диҳанд.
Акс аз шабакаи интернет
