10-умин Форуми миллӣ оид ба Волоияти қонун

10-мин Форуми миллӣ оид ба Волоияти қонун ба кори худ оғоз кард.
Дар ин форум намояндагони вазоратҳои адлияи Қирғизистон,  Ӯзбекистон, Руссия, намояндагони Дастгоҳи иҷроияи Президенти Тоҷикистон, Маҷлиси миллӣ ва Маҷлиси намояндагони Маҷлиси Олии Тоҷикистон, намояндагони вазорату идораҳо дахлдори кишвар, намояндагони ҷомеаи шаҳрвандӣ ва созмонҳои байналмилалии муқими Тоҷикистон, коршиносони мустақил ва шарикони рушд иштирок доранд.
Ҳадаф аз баргузории форум таҳияи тавсияҳои мушаххас бо мақсади таҳкими волоияти қонун ва баробарии шаҳрвандон дар назди қонун мебошад.
Дар форум «Рақамикунонии хизматрасонии давлатӣ ва танзими ҳуқуқии он: адлияи рақамӣ ва ҳамоҳангии байниидоравӣ», «Волоияти қонун ва дастрасӣ ба адолати судӣ», «Баланд бардоштани маърифати ҳуқуқӣ ҳамчун омили пешгирии терроризм ва экстремизм: дастовард, мушкилот ва дурнамо» ва дигар мавзуъҳо баррасӣ мешаванд.
Форуми бо дастгирии шарикони рушд соли 10-ум аст, ки баргузор мегардад.