МУВАФФАҚИЯТХотимаи Бозиҳои XXIV зимистонаи олимпӣ. Чаро бидуни иштироки Тоҷикистон?

Хотимаи Бозиҳои XXIV зимистонаи олимпӣ. Чаро бидуни иштироки Тоҷикистон?

-

Бозиҳои XXIV зимистонаи олимпӣ анҷом ёфт. Ин чорабинии байналмилалии варзишӣ 16 рӯз идома карда, 20 феврал ҷамъбаст гардид.

Дастаи мунтахаби Норвегия бо касби 37 медал (16 тилло, 8 нуқра ва 13 биринҷӣ) дар ҳисоби умумидастаӣ бо дарназардошти ҳам сифати медалҳо ва ҳам теъдоди онҳо дар ҷойи аввал қарор гирифт.
Мунтахаби Норвегия дар Бозиҳои зимистонаи олимпии соли 2018 дар Пёнчҳани Кореяи Ҷанубӣ низ бо касби 39 медал — 14 тилло, 14 нуқра ва 11 биринҷӣ дар ҳисоби умумидастаӣ бо дарназардошти ҳам сифати медалҳо ва ҳам теъдоди онҳо ғолиб шуда буд.
Дар Олимпиадаи Пекин-2022 мунтахаби Олмон бо касби 27 медал (12 тилло, 10 нуқра ва 5 биринҷӣ) мақоми дуюмро азони худ кард. Мунтахаби Чин бо касби 15 медал (9 тилло, 4 нуқра ва 2 биринҷӣ) мақоми сеюмро соҳиб шуд.
Дар байни даҳгонаи аввал, инчунин Иёлоти Муттаҳидаи Амрико (8 тилло, 10 нуқра ва 7 биринҷӣ), Шведсия (8 тилло, 5 нуқра ва 5 биринҷӣ), Нидерланд (8 тилло, 5 нуқра ва 4 биринҷӣ), Австрия (7 тилло, 7 нуқра ва 4 биринҷӣ), Швейтсария (7 тилло, 2 нуқра ва 5 биринҷӣ), Кумитаи олимпии Русия (6 тилло, 12 нуқра ва 14 биринҷӣ) ва Фаронса (5 тилло, 7 нуқра ва 2 биринҷӣ) ҷойгир шуданд.
Ба ғайр аз Русия, аз кишварҳои собиқи шӯравӣ Беларус бо ду медали нуқра дар ҷойи 24-ум, Украина бо як медали нуқра дар ҷойи 25-ум, Эстония ва Латвия бо яктоӣ медали биринҷӣ дар ҷойи 27-ум қарор гирифтанд. Зимнан, аз кишварҳои собиқи шӯравӣ Тоҷикистон ва Туркманистон дар Олимпиадаи Пекин ширкат надоштанд.
Ҳамин тариқ, дар шонздаҳ рӯзи мусобиқот аз рӯи барномаи Бозиҳо варзишгарони 29 кишвар соҳибони медалҳо шуданд, аз он ҷумла намояндагони 23 кишвар медали тилло ба даст оварданд.
Бозиҳои XXIV зимистонаи олимпӣ дар Пекин бо ширкати ҳудуди 3000 варзишгар аз 91 кишвар доир гардид. Варзишгарон барои 109 маҷмуи медалҳо оид ба 7 намуди варзиш (15 равия) рақобат карданд.

Мутаассифона, Тоҷикистонро дар ин бозиҳо ягон варзишгар намояндагӣ накард. Абдулло Раҳмонзода, раиси Кумитаи кор бо ҷавонон ва варзиши Тоҷикистон ахиран гуфт, ба далели маҳдудиятҳои КОВИД 19 иштироки варзишгарони тоҷик дар мусобиқаҳо барои гирифтани роҳхати олимпӣ таъмин нагардид.

Раҳмонзода зимни нишасти матбуотӣ гуфт, бисёре аз мусобиқаҳо барои гирифтани роҳхати олимпӣ дар минтақаи Аврупо баргузор шуданд ва шарту маҳдудиятҳои худро доштанд.

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
3
+1
0
+1
0
+1
0
+1
0
+1
0
+1
0

ХАБАРҲОИ ОХИРИН

Чемпионати 9-уми Тоҷикистон кай баргузор мегардад?

Раёсати доварон ва нозирони Федератсияи футболи Тоҷикистон доварон ва нозирони бозиҳои даври нуҳуми чемпионати Тоҷикистон-2025 миёни дастаҳои лигаи олиро...

Ситораҳои футболи Русия ба Тоҷикистон меоянд

Ба ифтихори Рӯзи ҷаҳонии футбол 22 май дар Варзишгоҳи марказии шаҳри Душанбе миёни ситораҳои футболи Тоҷикистону Русия бозии...

Дӯстмурод Шарипов: ғазал аз Ҳофиз набудааст

Блогер Дӯстмурод Шарипов, ки айни ҳол дар Эрон қарор дорад, аз марқади Ҳофизи Шерозӣ низ дидан карда, ғазалеро ғироат...

Депарде ба ҳабси шартӣ маҳкум шуд

Додгоҳи ислоҳии Париж ҳунарпешаи фаронсавӣ Жерар Депардеро ба 18 моҳ ҳабси шартӣ барои парвандаи таҷовуз дар сабти филм дар...
spot_imgspot_img

Чин манъи харидории ҳавопаймоҳои Boeing-ро аз сар гирифт

Чин манъи харидории ҳавопаймоҳои Boeing-ро, ки аз нимаи моҳи апрели соли 2025 амал мекард, бекор намуд. Маҳдудият дар посух...

Губернатори Техас: қонунеро имзо мекунам, ки ба шаҳрвандони Русия ва Чин харидани амволро манъ мекунад

Губернатори иёлати Техаси Амрико Грег Эбботт ба зудӣ қонунеро имзо мекунад, ки ба шахсон ва ширкатҳо аз як қатор...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад