Дар Чемпионати CAFA оид ба футзал миёни бонувон, ки 21 январи соли равон дар шаҳри Душанбе баргузор мегардад, сармураббии дастаи мунтахаби занонаи футзали Тоҷикистон рақиби ҷиддӣ Эронро ном бурд.
Дар мусобиқа дастаи Тоҷикистон бо тимҳои Эрон, Узбакистон ва Қирғизистон ду бозӣ анҷом медиҳад.
Шамшод Ниятбеков, сармураббии дастаи мунтахаби занонаи футзали Тоҷикистон зимни як нишасти матбуотӣ интизориҳои худро бобати мусобиқаи қаҳрамонии футзали Ассотсиатсияи футболи Осиёи Марказӣ баён намуд.
Мавсуф иттилоъ дод, ки мо моҳи декабр омодагиро ба чемпионати CAFA оғоз намуда, ду омӯзиш анҷом дода, аз миёни 20 варзишгар чордаҳ нафарро интихоб карданд.
«Дар мавриди рақибони мо бошад, мунтахаби Эрон бешубҳа, фаворити аслии ин мусобиқот аст. Дастаҳои мунтахаби Узбакистон ва Қирғизистон низ рақибони хеле хуб ва қавӣ ҳастанд. Мо бозии муносиб намуда, ғалаба хоҳем кард.»-умедворӣ кардааст сармураббии дастаи мунтахаби занонаи футзали Тоҷикистон.
