Маълумоти корбарон дар натиҷаи як ҳамлаи бардавом, ки бойгонӣ ва хадамоти Wayback Machine-ро зарар расондааст, осеб диданд. Ба корбароне, ки барои дастрасӣ ба захираҳои густурдаи он ворид шудаанд, ба таври қатъӣ тавсия дода мешавад, ки рамзҳои худро фавран иваз кунанд. Дар ин бора хабаргузории Gizmodo хабар додааст.
Масъулияти ҳамларо гурӯҳи ҳакерҳоиSN_BLACKMETA бар ӯҳда гирифт ва ангезаи ҳамларо ҳимояти давлати Амрико аз Исроил гуфтаанд.
Internet Archive як пойгоҳи китобхонаи рақамии ғайритиҷоратии амрикоӣ аст, ки соли 1996 аз ҷониби Брюстер Кейл таъсис ёфтааст. Он дастрасии ройгон ба маҷмӯаҳои маводҳои рақамӣ, аз ҷумла вебсайтҳо, барномаҳои нармафзор, мусиқӣ, аудиовизуалӣ ва маводи чопиро фароҳам меорад. Бойгонӣ инчунин тарафдори интернети озод ва боз мебошад. То 5 сентябри соли 2024, бойгонии интернетӣ беш аз 42,1 миллион маводи чопиро дар бар гирифта, беш аз 866 миллиард саҳифаи интернетӣ дар Wayback Machine нигоҳ дошта шудааст. Лоиҳа рисолати худро таъмини “дастрасии универсалӣ ба ҳама донишҳо” мешуморад.
