Лоиқ Раҷабов, варзишгари шинохтаи муҳорибаҳои омехта баъди бастани шартнома бо Eagle FC аввалин бор муҳорибаро бо Зака Зейна анҷом медиҳад. Рақобати ин ду размкор 28 январи соли равон дар назар аст. Eagle FC аз тариқи саҳифаи инстаграм-и хеш хабар додааст.
Муҳориба дар доираи мусобиқаи Лигаи Ҳабиб Нурмагомедов дар Майамӣ баргузор мешавад. Ёдовар мешавм, ки моҳи декабри соли 2021 Лигаи EFC хабар дода буд Лоиқ Раҷабовро ба сафаш пазируфт.
Қаблан Нурмуҳаммадов гуфта буд, ки барпо кардани мусобиқоти наву бузург дар ИМА ҳарчанд гарон аст, аммо барои роҳёбӣ ба бозорҳои ҷаҳонӣ ва ба муаррифии бошгоҳу варзишкоронаш мусоидат хоҳад кард.
Лоиқ Раҷабов бори охир 28 октябр дар Гран-при «Professional fight league» (PFL)-2021 барои як миллион доллар мубориза бурда, аз ҳарифи бразилиягиаш Рауш Манфио шикаст хӯрд.
Лоиқ Раҷабов 15 пирӯзӣ, 4 бохт ва 1 мусовӣ дорад. Рақиби навбатиаш Зака Зейнаи амрикоии 32-сола 15 бор пирӯз гардида, 9 бохт дорад.
