Ширкати таҳлилии CIRP натиҷаҳои тадқиқотеро нашр кард, ки афзоиши гузариши корбарон аз Android ба iPhone-ро нишон медиҳад.
Тибқи таҳқиқот, дар моҳи июни соли 2024 шумораи соҳибони нави iPhone, ки қаблан смартфонҳои Android истифода мекарданд, ба таври назаррас афзоиш ёфтааст.
Ҳамин тариқ, ҳиссаи корбарони нави iPhone дар байни корбарони собиқи Android дар моҳи июни соли 2024 ба 17% расид, ки ин баландтарин нишондод дар панҷ соли охир аст. Ин натиҷа аз сатҳи 10% дар соли гузашта ба таври қобили мулоҳиза баландтар аст, аммо аз рекорди таърихии 21% дар соли 2017 кам аст.
Бо вуҷуди ин, фурӯши моделҳои охирини iPhone 15 паст боқӣ мемонад. Коршиносон бар ин назаранд, ки корбарони собиқи «Android» пеш аз ҳама ба системаи нави оператсионӣ таваҷҷӯҳ доранд, на моделҳои охирини смартфонҳои Apple.
