Дар як гармхонаи ноҳияи Ҷайҳун деҳқоне парвариши афлесуну мандарин, лайм, греймфрут, кумкват ва каламондинро ба роҳ мондааст, ки аз ҳар ниҳоле то 40-50 кг ҳосил ба даст меорад.
Шуғли асосии Абдураҳим Тоҳиров лимӯпарварист. Аммо ҳоло дар баробари лимӯ, номгӯе аз меваҳои нодири ситрусӣ дар Тоҷикистонро парвариш менамояд.
Кумкват дар гармхонаи Абдураҳим Тоиров
Абдураҳим Тоҳиров, зодаи Ҷамоати деҳоти “Панҷ”-и ноҳияи Ҷайҳун аст. Ӯ 35 сол таҷрибаи лимӯпарварӣ дорад. Даҳ сол инҷониб ба парвариши анвои гуногуни меваҳои ситрусӣ пардохт. Мавсуф 6 гармхона дорад, аммо ҳоло танҳо дар як гармхона парвариши афлесуну мандарин, лайм, греймфрут, кумкват ва каламондинро ба роҳ мондааст.
Абдураҳим иттилоъ дод, ки меваҳои афлесуну мандарин дар ду сол як бор ҳосили фаровон медиҳад. Дар 30 ниҳоли лиму афлесуну мандарин, лайм, грейпфрут, кумкват ва каламондинро павйванд кард.
Дар Тоҷикистон талабот ба ин меваҳои ситрусӣ кам нест. Бинобар ин, Абдураҳим оянда шумораи ниҳолҳои ситрусиро зиёд карданист.
