Диловар Шарифов, омӯзгори мактаби рассомии бачагонаи шаҳри Душанбе аст. Ӯ аз жанрҳои гуногуни санъати тасвирӣ ба бачагон дарс мегӯяд. Риштанигорӣ яке аз жанрҳои навест, ки Диловар дар ин муассиса онро низ ба шогирдон меомӯзонад. Ӯ риштанигориро бо худомӯзӣ аз худ кардааст.
Диловар мегӯяд, маҳсули риштанигорӣ зуд диққати бинандаро ҷалб мекунад. Ҳар асаре меофарад, асарҳояш зуд ба бинанда писанд меоянд ва харидор пайдо мекунанд.
«Риштанигорӣ заҳмати зиёд металабад. Барои чӣ заҳмати зиёд металабад? Чунки дона- дона риштаро рӯи варақ мегузорему мечаспонем. Аз ин рӯ, ҳунари худ, заҳматҳои худ асари худро нархгузорӣ мекунам.»,-таъкид мекунад ӯ.
Диловар ният дорад риштанигорирро дар ҷумҳурӣ ба қатори дигар жанрҳои рассомӣ ворид созад. Ӯ бо ин жанр қонеъ нашуда дар оянда қаламкашии графикаи дастгоҳиро аз худ карда техникаҳои санъати тасвириро бештар карданист.
