Дар телефони худ мо аксу наво ва дигар маълумоти худро нигоҳ медорем. Шояд барои зуд дастрас кардани маълумот дар ҳама шароит аз телефон қулай бошад, аммо, дар баробари ин, хатар низ дорад.
Аксарият тартиби рамз гузоштани телефонро медонанд, вале шояд надонанд, ки кадом рамзҳо бовариноканд.
Оддатан мо рамзҳои графикӣ (рисунок), рақамӣ (код), матнӣ (парол), изи ангушт (отпечатки пальцев), шинохти чеҳра (разпознавание лицо) ё садоиро дар телефони худ мегузорем, аммо ҳамаи ин рамзҳо телефони моро бехатар нигоҳ дошта наметавонанд.
Мутахасисон бештар истифодаи рамзҳои графикӣ (рисунок), рақамӣ (код) ва матнӣ (парол)- ро тавсия медиҳанд, чунки ин рамзҳоро шумо дар зеҳнатон нигоҳ медоред ва танҳо худи шумо онро кушода метавонед. Маълум аст, ки касе рамзҳоро аз зеҳни шумо дуздида наметавонад.
Кадом рамзҳо осебпазиранд?
Ному насаб, санаи таввалуд, рақами телефон, рақами мошин, почтаи электрониро ҳамчун рамз дар телефон ва шабакаҳои иҷтимоии худ истифода набаред.
Кадом маълумотро дар телефони худ ҷойгир кунем ва кадомашро не.
Дар хотир нигоҳ доред! Ҳама гуна маълумот ва аксу навореро, ки як бор дар телефон ҷой мекунед, ҳатто баъд аз пок карданашон (удалить) онҳоро дигарбора барқарор кардан имкон дорад. Дар телефонҳои iPhone маълумот дар iCloud ва дар Android бошад дар Google Photo ё Google disk сабт мешаванд.
— Барои бехатарии маълумот дар телефон чӣ бояд кард?
— Аксу наворҳои маҳрамонаи худ ва оилаатонро дар телефон нигоҳ надоред.
— Дар саҳифаи қайдҳо (заметка) рамзи телефон ва шабакаҳои иҷтимоии худро нанависед. Агар касе телефонро кушояд рамзҳоро бе мушкилӣ гирифта метавонад.
— Маълумоти бонкӣ ва аксу рамзи корти бонкиро низ дар телефон нигоҳ надоред.
— Ҳуҷҷатҳои муҳими корӣ ва ё шахсиро низ дар телефон нигоҳ доштан дуруст нест.
— Ҳифзи шабакаҳои иҷтимоӣ аз шикастани рамз
Дуздидани шабакаҳои иҷтимоии шумо нисбат ба дуздидани телфонатон осонтар аст, агар шумо қоидаҳои дурусти муҳофизати онҳоро риоя накунед.
Чӣ бояд кард?
— Пеш аз ҳама саҳифаҳои худро шабакаҳои иҷтимоӣ рамзҳои боваринок гузоред.
— Як рамзро дар чанд саҳифа истифода набаред. Агар рамзро пайдо кунанд якбора чанд саҳифаи шуморо шикастан имкон дорад.
— Дар ҳамаи шабакаҳои иҷтимоӣ рамзи дуқабата (двухфакторная аутентификация) мавҷуд аст, ки барои бехатарии саҳифа истифода мешавад. Шумо низ ин рамзи дуқабатаро фаъол созед. Агар касе кушиши ворид шудан ба саҳифаи шуморо кунад, шабака дарҳол ба шумо паём мефиристад ва шумо амалётро қатъ мекунед.
— Шабакаҳои худро ба ҳар гуна сомонаву барномаҳо пайваст накунед. Онҳо метавонанд ба рамзи саҳифа дастрасӣ пайдо карда ба он ворид шаванд.
Чӣ гуна фаҳмем, ки саҳифаи моро дигар кас истифода мебарад ё не.
Шабакаҳои иҷтимои ҳама дасгоҳҳоеро, ки ба онҳо пайваст мешаванд дар худ сабт мекунад. Дар ҳама месенҷер ва шабакаҳои иҷтимоӣ функсияҳои махсус бо номи “дастгоҳҳо” (устройство) ё “даромад ба саҳифа” (входы в аккаунт) мавҷуд аст. Дар ин ҷо шумо метавонед санҷед, ки кадом навъ дастгоҳ ва аз кадом макон ба саҳифаи шумо пайваст аст ва метавонед дастрасии онро қатъ кунед.
Маълумоти бештар дар эксплейнер:
