Павел Дуров тақрибан чоряки вомбаргҳои нави Telegram-ро хардорӣ карда, ваъда менамояд, ки барои рушди ин паёмрасон боз саҳм мегузорад. Ба маълумоти ӯ, Telegram нисбат ба рақибони худ ба монанди Twitter ва Snap ба даромаднокӣ аз рӯи рақамҳо наздиктар аст.
“Ман шахсан тақрибан чоряки вомбаргҳои нави Telegram-ро харида, даҳҳо миллионро барои рушди Telegram сармоягузорӣ кардам. Ин, илова ба садҳо миллионҳоест, ки ман дар тӯли 10 соли охир барои кори Telegram сарф кардам. Баъзеҳо пешниҳод карданд, ки ба ҷои он хона ё ҳавопаймо бихарам. Аммо ман афзалтар медонам, ки ба кори худ тамаркуз кунам.»,- менависад Дуров тариқи Telegram.
Ӯ ҳамчунин гуфт, ки мессенҷер дар ҳоли рушд ва ҷалби корбарони нав аст. Ҳамин тариқ, ҳамарӯза беш аз 2,5 миллион нафар дар Telegram сабти ном мешаванд ва дар аввали соли 2023 корбари фаъол мессенҷер аз 800 миллион гузашт.
Дуров гуфт, садҳо миллион нафар аз Telegram истифода мебаранд, зеро онҳо ба платформаи паёмнависии мустақил ниёз доранд, ки корбарони онро дар ҷои аввал мегузоранд. «Масъулияти ман ва кори ҳаётии ман ин аст, ки рушди ин пойгоҳро идома диҳам» гуфт поягузори Telegram.
