Дар Ҳиндустон духтари ҳаштсола Адитяшри Кумар бар асари таркиши смартфони Redmi Note 5 Pro дар хонаашон дар деҳаи Тирувилвамала дар ҷануби ин кишвар ба ҳалокат расидааст. Дар ин бораи Asianet News хабар медиҳад.
Тадқиқоти судӣ нишон додааст, ки ҳангоми рӯх додани ҳодиса телефон дар барқ пайваст набуд. Сабаби марг инфиҷори батареяи дастгоҳи мобилӣ бар асари гармии зиёд будааст.
Падари духтари ҳаштсола Ашок Кумар гуфтааст, замони фоҷеа бибиаш ҳамроҳи духтараш дар хона будааст.
Гармии аз ҳад зиёд сабаби таркиш гардидааст, зеро Redmi Note 5 Pro дар дохили кӯрпа буд.
Модаркалон ба пулис гуфтааст, ҳангоми садама кӯдак дар зери кӯрпа бо смартфон бозӣ мекард. Зан ба ошхона мераваду садои таркишро шунида ба хонае, ки наберааш хобида буд, бармегардад, вале кӯдакро дар ҷойгаҳ оғуштаи хун мебинад.
Акси Адитяшри Кумар аз сомонаи asianetnews.com
