МУВАФФАҚИЯТСаҳми бештари шахси номаълум дар хариди аробаи Меҳринисо

Саҳми бештари шахси номаълум дар хариди аробаи Меҳринисо

-

Меҳринисо Маъруфзода маъюби гурӯҳи якум аз шаҳри Бохтар баъди як гузориши мо соҳиби аробаи маъюбии электрикӣ гардид.

Ин ҷавондухтар дар 18-солагӣ, ҳамагӣ 10 рӯз қабл аз тӯйи арӯсиаш аз дарахт афтоду фалаҷ шуд.

Ӯ ҳоло 30 сол дорад. Ҳар ду пой ва як дасташ ҳаракат намекунад. Вале бо вуҷуди ин бо як даст ҷиҳозу ашёи зебое медӯзаду мебофад ва бо ҳамин минвол рӯзгорашро пеш мебарад.

Ташкилоти ҷамъиятии маъюбони «Шодком»-и вилояти Хатлон Меҳринисо Маъруфзодаро ба кор давъат кардааст то ба дигар маъюбон ҳунар омӯзонад. Рӯзҳои наздик ба кор шурӯъ хоҳад.

Меҳринисо Маъруфзода бо аробаи маъюбии маъмулӣ ба кор рафта наметавонист. Зеро, ҳамагӣ як дасташ дуруст кор мекард. Мустақилона ба коргоҳ расидан барояш мушкил ғайриимкон буд:

«Ман аробаи маъюбӣ доштам, ки барои ба ҳаракат даровардани он ба як нафари дигар ниёз доштам. Худам ба танҳоӣ ба ягон ҷой рафта наметавонистам. Вақте барои ман пешниҳоди ҷойи кор шуд, хурсанд шудам, вале фикри рафтан ба кор азобам медод. Қариб буд, ки рад кунам. Хушбахтона, баъди гузориши сомонаи JOM.tj ман соҳиби аробаи электрикӣ шудам, ки минбаъд ба ҳар куҷое хоҳам, бидуни кумаки касе меравам.«,-нақл кард ин ҷавондухтар.

Меҳринисо Маъруфзода аз матоъ ҷузвдонҳои гуногун, болишт, чодарӣ, аз зарфҳои пластикӣ гулҳои ороишӣ таҳия мекунад. Харидори маҳсулоташ кам нест.  Маҳсули дасташ дар чорабиниҳои шаҳрию вилоятӣ ва ҷумҳуриявӣ ба намоиш гузошта мешаванд.

«Ман аз якояки онҳое, ки барои хариди аробаи электрикӣ дасти кумак дароз карданд, изҳори миннатдорӣ мекунам. Ду рӯз қабл аз иди Фитр ба шаҳри Душанбе рафта аробаи маъюбиро харидам. Аз хурсанди ашк қатра-қатра аз чашмонам ҷорӣ мешуд.,-ба ёд овард Меҳринисо.

Амонҷон Муҳиддинов

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
0
+1
4
+1
0
+1
0
+1
0
+1
0
+1
0

ХАБАРҲОИ ОХИРИН

Бори аввал. Мунтахаби футзали Тоҷикистон ба Ҷоми ҷаҳон роҳ ёфт

Мунтахаби миллии Тоҷикистон оид ба футзал таҳти роҳбарии Пайрав Воҳидов дар даври 1/4 ниҳоии Ҷоми Осиё тими миллии Афғонистонро...

96%-и кӯдакони то 12-моҳа иммунизатсия шуданд

Соли равон мо 50-солагии Барномаи Васеи Иммунизатсия таҷлил мешавад. Соли 1990 дар Тоҷикистон сатҳи фавти кӯдакони то 5-сола баланд...

Медали биринҷии Темур Раҳимов дар Чемпионати Осиё

Темур Раҳимов (+100) дар Чемпионати Осиё оид ба ҷудо дар Ҳонконг, дар мубориза барои нишони биринҷӣ рақибаш Азамат Чочаев...

Соҳибкории иҷтимоӣ: талош барои тағйироти мусбат дар ҷомеа

Соҳибкории иҷтимоӣ тиҷоратест, ки ҳадаф аз таъсиси он рисолати иҷтимоӣ ва хайрхоҳона мебошад. Бо соҳибкории иҷтимоӣ метавон даромад гирифт ва...
spot_imgspot_img

Дар кадом навъи Samsung хати сабз пайдо мешавад?

Дар дисплейи баъзе аз телефонҳои Galaxy S21 хати сабзи борик пайдо мешаванд. Сабаби дақиқ маълум нест, аммо он метавонад...

Мушкилоти келинҳои донишҷӯ

Зиндагии донишҷӯ-келинҳо соддаву оддӣ нест. Ба ҷуз иштирок дар дарсҳои донишгоҳӣ ташвишҳои ҳаррӯзаи хона зам мешаванд. Бархе аз ин донишҷӯ-келинҳо...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад