Се фурудгоҳ, аз ҷумла Ҳитроу дар Лондон, Брюссел ва Берлин мавриди ҳамлаи ҳакерӣ қарор гирифтаанд, ки боиси таъхир ва бекор шудани парвозҳо гардид. Дар ин бора Reuters хабар медиҳад.
Ҳамла ба ширкати Collins Aerospace, ки ба чанд ширкати ҳавопаймоӣ дар фурудгоҳҳои гуногун системаҳои бақайдгирӣ ва саворкуниро таъмин мекунад, равона шуда буд.
Дар фурудгоҳи Брюссел изҳор доштаанд, ки ҳамлаи ҳакерҳо боиси аз кор мондани системаҳои автоматикунонидашуда гардид. Бинобар ин, раванди бақайдгирӣ ва саворкунии ба ҳавопаймоҳо тариқи дастӣ иҷро шуд. Ҳеҷ гурӯҳе масъулияти ҳамлаи киберӣ ба фурудгоҳҳои аврупоиро бар дӯш нагирифтааст.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
