Китоби «Ҳаҷми нигоҳ»-и Давлати Раҳмониён рӯйи номинаи китоби назм, «Зинаҳои дӯзах»-и Ато Ҳамдам ҳамчун асари насрӣ, «Машқи ҳисоб»-и Ҷӯра Ҳошимӣ дар номинаи асарҳои назми бачагона мақоми аввалро сазовор шуданд. Дирӯз, 15 декабр ғолибони озмуни ҷумҳуриявии «Китоби сол-2022» дар Вазорати фарҳанг эълон гардиданд.
Ба иттилои Маркази матбуоти Вазорати фарҳанг, озмун аз рўйи шаш номинатсия баргузор гардида, 45 довталаб асарҳои худро барои иштирок ба озмун пешниҳод намуданд.
Тибқи хулосаи ҳайати ҳакамон, муаллифони зерин ғолибони Озмуни ҷумҳуриявии «Китоби сол — 2022» гардиданд:
Дар номинаи китоби назм
Ҷойи якум: Давлати Раҳмониён бо китоби “Ҳаҷми нигоҳ”;
Ҷойи дуюм: Сафар Амирхон бо китоби “Боғ дар оғӯши борон”
Ҷойи сеюм: Абдулқаҳори Мўсо бо китоби “Орзуи сабз”.
Дар номинаи китоби наср:
Ҷойи якум: Ато Ҳамдам бо китоби “Зинаҳои дӯзах”
Ҷойи дуюм: Сайдаҳмади Зардон бо китоби “Чароғи нигоҳ”
Ҷойи сеюм: Тоҳири Маҳмадризо бо китоби “Ҳар давру ҳар мард”.
Дар номинаи асарҳои публисистӣ:
Ҷойи якум: Абдулҳамид Самад бо китоби “Дастовез”
Ҷойи дуюм: Абдураҳмонон Абдуманнонов бо китоби “Аз дирӯзу имрӯзи адабиёти тоҷик”
Ҷойи сеюм: Беҳрӯзи Забеҳулло бо китоби “Офтобе дар миёни сояе”.
Дар номинаи асарҳои назми бачагона:
Ҷойи якум: Ҷӯра Ҳошимӣ бо китоби “Машқи ҳисоб”
Ҷойи дуюм: Раҳмат Назрӣ бо китоби “Ширангубин”
Ҷойи сеюм: Нуруллои Ориф бо китоби “Қанди додо”.
Дар номинаи асарҳои насри бачагона:
Ҷойи якум: Маҷид Салим бо китоби “Саги кӯр”
Ҷойи дуюм: Гулчеҳра Муҳаммадиева бо китоби “Тӯй дар беша”
Ҷойи сеюм: Бежани Ризо бо китоби “4+4”.
Дар номинаи асарҳои тарҷумаи бадеӣ:
Ҷойи якум: Муъмин Қаноат бо китоби «Аз Ховар то Бохтар»
Ҷойи дуюм: Амонбой Ҷумаев, асари Саттор Турсун «Бир кеча йӯлда» («Шабе дар роҳ»)
Ҷойи сеюм: Исобоева Саломат, «Афсонаҳои халқҳои ҷаҳон».
Аксҳо аз саҳифаи фейсбукии Вазорати фарҳанг
