Маркази илмию таҳқиқотии публитсистика ба номи профессор Асадулло Саъдуллоев дар факултаи журналистикаи Донишгоҳи миллии Тоҷикистон ифтитоҳ гардид.
Асадулло Саъдуллоев солҳои тӯлонӣ дар нашрияҳое гуногун фаъолият намуда, ҳамчунин муаллими калони кафедраи фолклор ва адабиёти ИҶШС (1980—1984) ва омӯзгори Донишгоҳи Кобул (1984—1987) низ буд.
Давоми солҳои 1992—2000 ва 2007—2009 ба кафедраи телерадиожурналистикаи Донишгоҳи миллии Тоҷикистон роҳбарӣ карда, тӯли солҳои 2002—2005 декани факултаи журналистикаи Донишгоҳи миллии Тоҷикистон буд. Асадулло Саъдуллоев соли 1978 рисолаи номзадӣ ва соли 1996 рисолаи докториашро ҳимоя намудааст. Муаллифи 31 монография, 160 мақолаҳои илмӣ, илмӣ-оммавӣ ва методӣ оид ба масъалаҳои назария ва амалияи журналистикаи ҷумҳурӣ мебошад.
Ба таъкиди Бахтиёр Қутбиддин, декани факулта, профессор Асадулло Саъдуллоев бунёдгузор ва роҳбари мактаби илмии таҳқиқи публитсистикаи муосири тоҷик буда, 15 нафар шогирди унвондор омода кардааст.
Ёдовар мешавем, ки дар маросими ифтитоҳи Маркази илмию таҳқиқотии публитсистика роҳбарияти донишгоҳ низ ширкат ва суханронӣ намудаанд.
Аксҳо аз саҳифаи фейсбукии Илҳомҷон Ҳамидиён
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
1
+1
2
+1
+1
+1
+1
+1
