ЗАБОНОМӮЗӢДухтари филиппинӣ ба ҳазорон ҷавони тоҷик англисӣ омӯзонду худ...

Духтари филиппинӣ ба ҳазорон ҷавони тоҷик англисӣ омӯзонду худ низ забони моро омӯхт

-

Аксҳо аз саҳифаи instagram-и Ҳанна

Ҷавондухтари филиппинӣ Ҳанна Май (Hannah Mae Dacara) 12 сол аст, ки дар Душанбе зиндагӣ мекунад ва мегӯяд, мафтуни Тоҷикистону мардуми он шуда, мехоҳад ин ҷо зиндагиашро идома диҳад.

“Ман имконият доштам, ки ба Амрико ё ягон кишвари аврупоӣ равам, аммо нахостаму Душанберо интихоб кардам. Чунки мардуми Тоҷикистон меҳрубон буда, иқлими ин ҷо ба ман писанд омад. Ҳавои Душанбе на гарми тоқатфарост ва на сард”.

Ба қавли ин ҷавондухтари филиппинӣ баъзе аз анъанаҳои хонаводагӣ, мисли эҳтирому сарпарастии волидайн дар Тоҷикистону Филиппин ҳамсонанд.

Ӯ мегӯяд, дар риштаи тиб ва тадриси забони англисӣ дар ватанаш маълумоти олӣ гирифтааст. Соли 2010 дар доираи як барномаи тандурустӣ барои кӯмак ба Тоҷикистон омад. Бо ҳамин тақдираш бо Душанбе рақам хурд. Барои кори доимӣ ин ҷо омӯзгорӣ мекунад.  

Ҳанна ҳоло дар Маркази омӯзишии “Фардун” ва чанд маркази дигари омӯзишӣ ба ҷавонони тоҷик забони англисӣ меомӯзонад. То кунун ба ҳазорҳо ҷавону навраси тоҷик забони англисӣ омӯзонидааст, ки аксари онҳо ин забонро то ҳадди зарурӣ аз бар кардаанд. 

Ӯ низ забони тоҷикиро омӯхта, нозукиҳои забони англисиро ба тоҷикӣ шарҳ медиҳад. Ҳарчанд Ҳанна забони тоҷикиро дар сатҳи гуфтугӯ медонад, аммо барои омӯзонидани англисӣ имлои забони тоҷикиро то ҳадде аз бар кардааст.

“Барои забономӯзӣ донистани қоидаҳои забон муҳим аст. Бештар талош мекунам, ки ба воситаи забони тоҷикӣ ба бачаҳо забони англисӣ омӯзиш диҳам. Сохтори забони тоҷикӣ ба англисӣ наздик аст. Гузашта аз ин, забони тоҷикӣ яке аз ширинтар забонҳо дар ҷаҳон аст.”,-мегӯяд Ҳанна.

Ҳанна дар Душанбе забони русиро низ аз худ кардааст. Дар рафти омӯзиш аз ин забон низ истифода мебарад. 

Ҳанна дар баробари омӯзиши ҳузурии забони англисӣ, омӯзиши онлайнии онро таҷриба мекунад. Вай дар YouTube бо номи Teacher Hannah Dacara саҳфа дошта, дар Instagram бо номи Teacherhannahjon матолиби омӯзишии видеоӣ  нашр мекунад.

Ин амалаш маҷонӣ (бидуни подош) буда, ҳеҷ гуна манфиати молиро аз ин тариқ интизор нест, баръакс, вақт масраф карда, дарсҳои онлайн таҳия мекунад.

Оилаи Ҳанна низ бо илҳом аз ӯ Душанберо писандидаанд. Бародар хоҳар ва модараш меҳмони Душанбе будаанд.  Аз эҳтимол дур намедонад, ки бо тоҷикписаре оила барпо кунад.

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
17
+1
9
+1
1
+1
0
+1
0
+1
0
+1
0

ХАБАРҲОИ ОХИРИН

Се таҳдиди буҳронҳои марбути об ба ҳаёти 190 миллион кӯдак

Се таҳдиди буҳронҳои марбут ба об ҳаёти 190 миллион кӯдакро зери хатар мегузорад.  ЮНИСЕФ даъват намудааст, ки ба иншооти...

BI.ZONE: ransomware ба ширкатҳои хусусӣ ҳамла мекунад

Ширкати идоракунии хатарҳои рақамии BI.ZONE гуфтааст, ҳакерҳо эҳтимоли бештари ҳамлаҳоро бо истифода аз барномаҳои рамзгузорӣ барои ғайрифаъол кардани системаҳои...

Евгений Баклушин: телефонҳо ба ширкатҳои истеҳсолкунанда тобеъ ҳастанд!

Телефонҳои ҳушманд бо ин ё он роҳ баъзе маълумоти корбарро, аз ҷумла ҷойгиршавӣ, паёмҳо ва рӯйхати тамосҳоро ҷамъоварӣ ва...

Патриот чаро гарон шуд?

  "Патриот"-и автомат идорашаванда дар фурӯш пайдо шуд. Аммо нарх метавонад шуморо ба ҳайрат орад. УАЗ ваъда медиҳад, ки истеҳсоли мошинҳои...
spot_imgspot_img

Яндекс барои интиқоли мусофир нақлиёти бесарнишин истифода мекунад

Такси "Яндекс" барои интиқоли мусофирон бесарнишин истифода хоҳад кард. То ҳол дар таҷрибаҳо чанд ҳавопаймои бесарнишин ширкат хоҳанд кард: ҳашт...

Президенти ФИФА кӣ интихоб шуд?

Дар пойтахти Руанда Конгресси 73-юми ФИФА баргузор шуд, ки дар кори он роҳбарияти Федератсияи футболи Тоҷикистон – дабири кулл...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад