Нафаре, ки душаҳрвандӣ дорад, ӯҳдадории ҳарбиро дар кадом кишвар адо мекунад: дар кишваре, ки ба дунё омодааст ё давлате, ки ҷойи истиқомати доимиаш аст?
Агар як ҷавон, ки аллакай 27-сола асту дар Тоҷикистон дигар ба хидмат ҷалб намегардад, дар кишвари дигар, ки шаҳрвандии онро дораду (дар мисоли Русия) синни даъват болост оё ҷалб мешавад?
Ин навбат ба ин суолҳо посӯх ҷустем, ки барои муҳоҷирон фикр мекунем, донистан муҳим аст.
Ба таъкиди ҳуқуқшинос, синни даъват дар Русия то 30-солагист. Яъне, нафарони душаҳрвандидоштае, ки дар ин кишвар иқомати доимӣ доранд ба артиши ин давлат ҷалб мешаванд. Вале дар асоси сафарбаркунӣ ё мобилизатсия вобаста ба муноқишаи низомии Русияву Украина шаҳрвандонеро, ки алакай хизмат кардаанд ва соҳиби ягон касби ҳарбӣ гардидаанд, онҳоро метавонанд то 35-солагӣ дубора сафарбар кунанд. Агар шаҳрванди Тоҷикистон бошеду дар асоси патент кор кунед, Русия ҳақ надорад шуморо ба хидмати ҳарбӣ даъват кунад. Пас, дар Русия шуморо бо роҳи фиреб ба хидмат ҷалб кардан хоҳанд, қонунгузории Тоҷикистон Шуморо ҳамчун зархарид баҳо медиҳад.
Ҳуқуқшинос Дилрабо Самадов, мегӯяд, дар шабакаҳои интернетӣ наворҳое паҳн мешавад, ки дар он муҳоҷирони меҳнатӣ мегӯянд, онҳоро ба ҳар роҳу восита, бо фиреб, бо зархаридӣ ба артиш ҷалб карда истодаанд. Агар онҳо шаҳрвандӣ ва санади истиқоматии доимии Русияро надошта бошанду ба артиши Русия ҷалб шаванд онҳо ҳамчун зархарид эътироф шуда, тибқи Кодекси ҷиноии ҶТ, модаи 401 ба ҷавобгарии ҷиноятӣ кашида мешаванд. Новобаст аз онки аз кадом тараф иштирок мекунад-Русия ё Украина.
Маълумоти бештар эксплейнери мо:
Акси асосӣ аз шабакаи интернет
