Забони англисӣ бидуни сарҳадҳо (EWB) –ин чаҳорчуби касбӣ ва шиносоӣ буда, имконияти иштирок дар тренингҳои инфиродӣ ва омӯзиши усулҳои нави таълимро фароҳам меорад. Истифода аз таҷрибаи омӯзгорони ҷаҳон, касби равишҳои нави таълим ва корбурди онҳоро метавон дар ҳамоишҳои “English Without Borders” аз худ карда, имконияти дастрасӣ ба бурсияҳоро ба даст овард.
Ҳамоиши “English Without Borders” рӯзҳои 28-29 октябри соли равон дар меҳмонхонаи “Румӣ”-и шаҳри Душанбе доир мегардад. Дар қисмати аввали рӯзи якуми чорабинӣ ба онҳое, ки дар рушди забони англисӣ саҳм мегузоранд, сипосномаву ҷоизаҳо тақдим гардид.
Марҳабо Холмуродова, муаллими забони англисӣ дар шаҳри Хорӯғ буда, имсол дар озмуни “Innovative teacher of the year” (Муаллими навовари сол) созовори мақоми аввал гардид.
Ӯ зимни суҳбат гуфт, соли дуюм аст, ки дар ин озмун ширкат мекунад ва рақобатҳо хеле ҷиддӣ буданд. Имсол муваффақ шуд, ки миёни ҳудуди 5 ҳазор омӯзгор созовори ҷойи аввал гардад.
Ҳадафи конфронси миллии EWB ва Expo таҳкими ҷомеаи умумимиллии муаллимони забони англисӣ ва таблиғи дастовардҳои шабака дар 18 моҳи фаъолияти худ мебошад. Конфронс муаллимони забони англисӣ, мутахассисон ва олимонро барои табодули афкор, омӯхтани тамоюлҳои ҷорӣ, тавсеаи шабакаҳои касбӣ дар саросари минтақа, дастрасӣ ба маводҳои маҳаллӣ ва байналмилалӣ барои таълими забони англисӣ ва дар бораи EWB ва кӯшишҳои он барои эҷоди ҷомеа, иқтидор ва омӯхтани он муттаҳид мекунад.
