Тибқи таҳқиқоти махсуси Times, як корманди хадамоти истихбороти Чин дар панҷ сол бо саҳифаҳои қалбакӣ дар шабакаи иҷтимоии LinkedIn аз мансабдорони бритониёӣ маълумоти махфиро ба ивази пул ё дигар пешниҳодҳои муфид талаб кардааст.
Нашрия қайд мекунад, ин ҷосуси чинӣ, ки бо тахаллуси Робин Чжан маъруф аст, «муваффақтарин ҷосуси зидди манофеъи Бритониё дар давраҳои ахир аст».
Чжан худро корманди ширкатҳои гуногун муаррифӣ намуда, бо мансабдорони бритониёӣ ва ғарбӣ, ки дар соҳаҳои сиёсат, мудофиа, илму фанноварӣ кор мекунанд, тамос гирифта, ба онҳо барои интиқоли маълумот ба маблағи 10 ҳазор доллари амрикоӣ ҷоиза пешниҳод кардааст. Дар баъзе мавридҳо, ӯ инчунин сафарҳои бидуни харҷ ба Чин ва ширкат дар конфронсҳои сердаромадро пешниҳод мекард.
Нашрия қайд мекунад, ки Чжан то ҳол ба истифода аз тахаллусҳои гуногун барои ба даст овардани маълумоти махфӣ идома медиҳад, ҳарчанд бисёре аз профилҳои ӯ пас аз оғози мубориза бо аккаунтҳои қалбакии LinkedIn ҳазф шуданд.
