Беш аз 60 соҳибкорзан дар Тоҷикистон доир ба содир кардани маҳсулот ба хориҷ маълумоту дониши зарурӣ касб карданд.
Лоиҳаи Ready4Trade силсилаи давраҳои серӯзаи омӯзишӣ доир ба тиҷорати фаромарзӣ барои занони соҳибкорро дар Тоҷикистон ба анҷом расонид. Давраҳои омӯзишӣ моҳи август дар шаҳри Хуҷанд, маркази муҳими саноатии шимоли кишвар, оғоз шуд, сипас дар пойтахт – шаҳри Душанбе идома кард, ва моҳи сентябр дар шаҳри Бохтар, маркази маъмурии вилояти сернуфустарини Тоҷикистон – Хатлон ба анҷом расид.
Бо роҳандозии лоиҳаи Ready4Trade Осиёи Марказӣ, Иттиҳоди Аврупо ва Маркази тиҷорати байналмилалӣ ба иқдомҳо барои саҳмгузорӣ ба рушди умумии устувор ва фарогири иқтисодӣ дар Осиёи Марказӣ бо роҳи тақвияти тиҷорати минтақавӣ ва байналмилалӣ ҳамроҳ мегарданд.
