Муассиси Alibaba Ҷек Ма дар як сол тақрибан 14 миллиард долларро аз даст додааст.
Муассиси Alibaba Ҷек Ма бар асари таназзули иқтисоди ҷаҳонӣ ва ҷорӣ шудани маҳдудиятҳои шадид бар асари коронавирус миллиардҳо долларро аз даст додааст. Тибқи гузориши Пажӯҳишгоҳи таҳқиқотии Hurun, дороии софи ин соҳибкори чинӣ 29% коҳиш ёфта, ба 25,7 миллиард доллар расидааст.
Ҷеки 58-сола дар раддабандии сарватмандтарин ашхоси Чин чаҳор зина поин рафта, дар зинаи нӯҳум қарор гирифт. То моҳи октябри соли 2021 сарвати Ма 39,6 миллиард доллар арзёбӣ шуда буд.
Гузориш ҳамчунин нишон медиҳад, ки чораҳои саркӯбкунандаи танзимгарони Пекин алайҳи ширкатҳои технологии кишвар низ нақш доранд. Саҳмияҳои ин ширкатҳо коҳиш ёфтанд.
Чжан Йимин, асосгузори ByteDance (бунёдгузори шабакаи иҷтимоии TikTok) низ тибқи як пажӯҳиши Hurun, 28% то 35 миллиард долларро аз даст дод. Дар ҳамин ҳол, сарвати муассиси Tencent Пони Ма 32% коҳиш ёфта, ба 30,7 миллиард доллар расид.
Акс аз шабакаи интернет
