8 сентябр дар ҷаҳон Рӯзи Байналмилалии Саводнокӣ таҷлил мешавад ва таърихи ин ид аз соли 1967 инҷониб маншаъ мегирад то ба ҷомеа аз аҳамияти саводнокӣ ҳамчун масъалаи шаъну шараф ва ҳуқуқи инсон ёдрас намояд.
Бо вуҷуди пешрафтҳои бадастомада, мушкилоти саводнокӣ боқӣ мондааст, ки имрӯз ҳадди ақал 771 миллион ҷавонон ва калонсолон аз малакаҳои ибтидоии саводнокӣ маҳруманд.
Вазъи зудтағйирёбандаи ҷаҳонӣ ахиран мазмуни нав касб карда, ба пешрафт ва талошҳои ҷаҳонӣ монеъ эҷод мекунад. Пас аз пандемия, тақрибан 24 миллион донишомӯз ба таҳсили расмӣ барнагарданд, ки аз ин шумора 11 миллион нафарро духтарони наврас ва ҷавондухтарон ташкил медиҳанд. Барои он ки ҳеҷ кас дар канор намонад, мо бояд фазои мавҷудаи таълимиро тавассути равиши ҳамгироишуда фаррох намоем.
Дар сомонаи Юнеско омадааст, ки Рӯзи байналмилалии саводнокии имсола дар саросари ҷаҳон таҳти унвони «Тағйир додани фазои омӯзиши саводнокӣ» таҷлил мешавад ва имкон медиҳад, ки аҳамияти бунёдии муҳити омӯзиши саводро барои таҳкими устуворӣ ва таъмини таҳсилоти сифат, одилона ва фарогир барои ҳама аз нав дида бароем.
Акс аз интернет
