Фрэнк Каприо, довари машҳури иёлати Род-Айленд, ки бо меҳрубонӣ ва инсондӯстии худ дар шабакаҳои иҷтимоӣ маъруф гашта буд, дар 88-солагӣ даргузашт.
Фарзандонаш рӯзи чоршанбе хабар доданд, ки пас аз «муборизаи тӯлонӣ ва ҷасурона бо саратони гадуди зери меъда» ӯ бо оромӣ даргузашт.
Каприо, ки барномаи «Caught in Providence»-ро пеш мебурд, додгоҳашро ҷое мешуморид, ки «мардум бо меҳрубонӣ ва раҳм рӯ ба рӯ мешаванд». Ӯ на танҳо ҷаримаҳоро мебахшид, балки ҳангоми татбиқи адолат низ лутфу ҳамдардӣ нишон медод.
Видеоҳое, ки аз мурофиаҳои ӯ дар шабакаҳои иҷтимоӣ пахш мешуданд, зиёда аз 1 миллиард тамошобин доштанд.
Каприо дар суханрониҳояш таъкид мекард, ки адолат бояд барои ҳама дастрас бошад. Ӯ гуфта буд:
Ифодаи “Бо озодӣ ва адолат барои ҳама” маънои онро дорад, ки адолат бояд барои ҳама дастрас бошад. Аммо, мутаассифона, чунин нест».
Ӯ соли 2023, пас аз қариб чил сол дар курсии додгоҳӣ нафақа рафт.
Оилаи ӯ дар паёми ахири худ чунин навиштаанд:
«Ӯ барои меҳрубонӣ, хоксорӣ дӯстдоштанӣ буд. ҳазл ва меҳрубонии ӯ ба дилҳои миллионҳо нафар таъсир гузошт».
