CАЙЁҲАТ7 хатсайри сайёҳии ноҳияи Ховалинг

7 хатсайри сайёҳии ноҳияи Ховалинг

-

Ховалинг аз зумраи минтақаҳоест, ки бо мавзеъҳои ҷолибу назаррабои худ диққати сайёҳони дохиливу хориҷиро ба худ ҷалб намудааст. Тибқи маълумоти мақомоти ноҳия ҳамасола даҳҳо ҳазор сайёҳ аз ин минтақа дидан мекунанд. Бинобар ин, ҷиҳати васеъ намудани ҳудуди он соли 2019 харитаи сайёҳии ноҳияи Ховалинг таҳия гардид ва дар харитаи мазкур хатсайрҳои сайёҳӣ, ки 7 ададро ташкил медиҳад, ҷой карда шуд.

Хатсайри якум. Ховалинг — Ҳавзи таърихии Шехмизон — маркази шаҳри Мунки қадим – ҳавзи таърихии Доробӣ— таҳҷои маъбади Буддои Чепол — «Сангтуда-1», «Сангтуда-2» — Бошишгоҳҳои одамони ҷамоаи ибтидоии «Лоҳутӣ-1», «Лоҳутӣ-2», «Оби Мазор», Сари ҷар Кулдара ва Мазори Хоҷа Аюби Ансорӣ.

Хатсайри дуввум. Ховалинг — «Сангтуда-3» — «Сангтуда-4» —  Мазори Ҳазрати Султон — истиқоматгоҳи Палеолити болои асри сангӣ «Дӯстӣ»—  осорхонаи Восеъ —  Чилчанор — чашмаи Қазған — осорхонаи ноҳияи Ховалинг.

Хатсайри саввум.  Маркази Ховалинг — Дараи Мухтор – Сурсакова — Хавзако— Димаҳмуд.

Хатсайри чаҳорум.  Маркази Ховалинг — Салаи Қозӣ  —  Сафедсанг — Санги Рама — Сари Кро.

Хатсайри панҷум. Ховалинг — «Сангтуда-5» — Хонакоҳи Севодара— Сангдара — Чилдухтарон — Куҳи Аждаҳор — сиёҳфарк — Талбар.

Хатсайри шашум. Маркази Ховалинг — Мазори  Ҳазрати  Султон — Руйи Об — Шаршараи Пушти Боғ.  Хатсайр бо истифода аз мошин ва хару асп.

Хатсайри ҳафтум. Ҳулбук — оромгоҳи Мир Сайид Алии Ҳамадонӣ– Сангтуда — осорхонаи Восеъ – Чилчанор — осорхонаи ноҳияи Ховалинг- кӯҳи Чилдухтарон — Мазори Хазрати Султон — Шаршараи Сари Хосор.

Тавассути хатсайрҳои мазкур, ки қисми он роҳи мошингард надорад ва аз онҷо ба воситаи хару асп метавон гузар кард, ҳамасола ҳазорон сайёҳи дохиливу хориҷӣ дидан намуда, аз таъриху фарҳанги ин мавзеъ шинос мегардад. Ба таъкиди роҳбари осорхонаи ноҳии Ховалинг Амир Саиди Мункӣ, таъсиси харитаи сайёҳӣ таваҷуҳи сайёҳонро ба ноҳия боз ҳам бештар намудааст.

“Мо якчанд хатсайрҳоро пешниҳод карда будем. Хатсайрҳо дар як китобчае, ки “Ховалинг ганҷинаи табиат ва тамаддуни башарӣ” ном дорад нашр гардидааст. Гарчанде хатсайрҳои мазкур ба талаботи стандартҳои байналмилалӣ ҷавобгӯ нест, аммо умед ҳаст, ки дар оянда бо инфросохтори зарурӣ таъмин гардида, ҳамчун як марказ ба мардум хизмат мерасонад.”,-таъкид намуд роҳбари осорхонаи ноҳии Ховалинг Амир Саиди Мункӣ.  Ба қавли мавсуф, дар худуди ин ноҳия беш аз 50 макони таърихӣ вуҷуд дорад ва бозёфтҳо шаҳодати онанд, ки Ховалинг қадимтарин макони сукунати одамон дар Осиёи Миёна ҳаст.

Раиси Кумитаи рушди саёҳии назди Ҳукумати ҶТ Тоҷиддин Ҷуразода мегӯяд, оянда инфросохтори соҳаи сайёҳӣ дар ноҳияи Ховалинг беҳтару хубтар гардида, таваҷуҳи сайёҳони дохиливу хориҷӣ ба ин минтақа боз ҳам зиёдтар мегардад.

Кумитаи рушди сайёҳии назди Ҳукумати ҶТ феҳристи мавзеъҳои сайёҳиро таҳия кардааст, ки дар ин миён Ховалинг бо мавзеъҳои ҷолиби худ мавқеъи муайянеро ишғол намудааст. Оянда мо дар якҷоягӣ бо мақомоти маҳаллӣ ҷиҳати тарғибу ташвиқи мавзеъҳои сайёҳии ин ноҳия корҳои зиёдеро ба анҷом хоҳем расонид.  Имрӯз мо тасмим гирифтаем, ки дар доираи ҳамкорӣ бо мушовирони байналмилалӣ ташаббуси “Trails”-ро мавриди барасӣ қарор диҳем. Бояд гуфт, ки “Trails” хатсайрҳое мебошад, ки он пиёдагард аст ва дар онҷо саёҳон танҳо ба воситаи аспу хар метавонанд гаштугузор намоянд. Бе рушди хатсайрҳои сайёҳӣ дар маҳал мо наметавонем, ки таваҷуҳи саёҳони хориҷиро ба кишвар ҷалб намоем.”

Ба андешаи мавсуф, Ховалинг барои рушди сайёҳи мувофиқу мусоид буда, дар оянда метавонад яке аз марказҳои муҳими сайёҳӣ бошад.

Бояд гуфт, лоиҳаи Консепсияи рушди сайёҳии ноҳия барои  солҳои 2019-2025  таҳия гардидааст ва дар доираи консепсияи мазкур имкониятҳои сайёҳӣ дар ин минтақа марҳила ба марҳила тараққӣ хоҳад кард.

Баҳруллои М.

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
1
+1
1
+1
0
+1
0
+1
0
+1
0
+1
0

ХАБАРҲОИ ОХИРИН

Бори аввал. Мунтахаби футзали Тоҷикистон ба Ҷоми ҷаҳон роҳ ёфт

Мунтахаби миллии Тоҷикистон оид ба футзал таҳти роҳбарии Пайрав Воҳидов дар даври 1/4 ниҳоии Ҷоми Осиё тими миллии Афғонистонро...

96%-и кӯдакони то 12-моҳа иммунизатсия шуданд

Соли равон мо 50-солагии Барномаи Васеи Иммунизатсия таҷлил мешавад. Соли 1990 дар Тоҷикистон сатҳи фавти кӯдакони то 5-сола баланд...

Медали биринҷии Темур Раҳимов дар Чемпионати Осиё

Темур Раҳимов (+100) дар Чемпионати Осиё оид ба ҷудо дар Ҳонконг, дар мубориза барои нишони биринҷӣ рақибаш Азамат Чочаев...

Соҳибкории иҷтимоӣ: талош барои тағйироти мусбат дар ҷомеа

Соҳибкории иҷтимоӣ тиҷоратест, ки ҳадаф аз таъсиси он рисолати иҷтимоӣ ва хайрхоҳона мебошад. Бо соҳибкории иҷтимоӣ метавон даромад гирифт ва...
spot_imgspot_img

Дар кадом навъи Samsung хати сабз пайдо мешавад?

Дар дисплейи баъзе аз телефонҳои Galaxy S21 хати сабзи борик пайдо мешаванд. Сабаби дақиқ маълум нест, аммо он метавонад...

Мушкилоти келинҳои донишҷӯ

Зиндагии донишҷӯ-келинҳо соддаву оддӣ нест. Ба ҷуз иштирок дар дарсҳои донишгоҳӣ ташвишҳои ҳаррӯзаи хона зам мешаванд. Бархе аз ин донишҷӯ-келинҳо...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад