Озмуни «Беҳтарин гузориши аксӣ» ҷамъбаст гардида, ғолибон рӯзи 5 майи соли равон дар маросими бошукуҳе бахшида ба Рӯзии озодии матбуот эълон ва ба туҳфаву ифтихорнома қадрдонӣ гардиданд.
Аминҷон Раҳматзода, бо гузориши аксии “Мардикорзан” мақоми аввал ва туҳфаи асосӣ-дастгоҳи аккосии ҳирфаиро соҳиб шуд.
Қаҳрамони ин гузориши аксӣ Райҳон Ҳакимова аст, ки барои дарёфти ризқу рӯзи фарзандонаш ба мардикориву хизматгорӣ машғул мешавад.
Аксҳо аз саргузашти ин зан нақл мекунанд, ки чӣ гуна корҳои сангинро анҷом медиҳад то фарзандонаш хушбахт бошанд.
Гузориши аксии “Баъд аз кӯштӣ” аз таъсири инсоният ба муҳити зист нақл мекард, ки тамошобини чорабинии варзишӣ баъди поёни кӯштӣ партовҳои худро ба ҷой гузошта, тарки ин макон карданд.
Муаллифи аксҳо Шералӣ Давлатов аз ҷараёни кӯштии миллӣ аксбардорӣ намудааст, ки 26 феврали соли равон дар ноҳияи Темурмалик баргузор гадида буд. Гузориши аксӣ аз ҷониби ҳайати ҳакамон баҳои баланд гирифт ва муаллиф аксҳо бо телефони ҳушманд қадрдонӣ шуд.
Ҳамин тавр, гузоришҳои муаллифон-Рустамбек Аҳмадзода (Моҳихӯрак), Дилшод Болтаев (Дар кӯчаҳои шаҳр), Умед Набиев (Деҳа), Давлатҷон Абдуллозода (Шоҳпарак) Хоҷамирзода Муҳаммадсолеҳ (Китобхона) Талабшоҳ Ҳанипов (Бузкашӣ бо хар) аз ҷониби ҳайати доварон баҳои баланд гирифта, ба ин нафарон телефони ҳушманд тақдим гардид.
Ёдовар мешавем, ки озмуни “Беҳтарин гузориши аксӣ” аз 15 феврал то 15 марти 2022 идома ёфт ва дар он беш аз 100 довлатаб акс фиристоданд, ки аксарияти онҳо қабл аз эълони озмун аксбардорӣ шуда буданд ва бинобар ин, аксҳо мавриди баррасии ҳайати ҳакамон қарор нагирифт.
Дар сомонаи jom.tj мо 43 гузориши аксии 34 муаллифро нашр намудем, ки 9 нафари онҳо барои пешниҳоди силсилааксҳои ҷолиб соҳиби ифтихорномаву туҳфа шуданд.
