Дар Донишгоҳи байналмилалии сайёҳии «Роҳи абрешим» мактаби тобистонаи таълимӣ таҳти шиори «Касбигардонии кори иҷтимоӣ – кафили сифати хизматрасониҳои иҷтимоӣ» оғоз гардид. Ин аввалин чорабинии Ассотсиатсияи мактаби кори иҷтимоии вилояти Самарқанд мебошад, ки бо дастгирии филиали Ассотсиатсияи Каритас Олмон дар Тоҷикистон ва Хазинаи Кӯдакони СММ дар Узбекистон баргузор мегардад.
Зиёда аз 80 нафар иштироккунандагон, ки донишгоҳҳо, созмонҳои давлатӣ ва ҷамъиятиро намояндагӣ мекунанд ва ба омодасозии кормандони иҷтимоӣ дар Қазоқистон, Қирғизистон, Тоҷикистон ва Узбекистон ҷалб шудаанд, то 5 август масоили такмили барномаҳои таълимӣ ва баланд бардоштани тахассуси кормандони иҷтимоиро дар минтақа баррасӣ хоҳанд кард.
Интизор меравад, ки мактаби тобистона дар таҳияи барномаҳои омӯзишии кормандони иҷтимоӣ ва ягонасозии равишҳо барои муайян кардани вазифаҳои кори иҷтимоӣ ҳамчун касб саҳми назаррас хоҳад гузошт. Дар ҷамъбасти мактаби тобистона тавсияҳо, ки барои такмили минбаъда ва пешбурди кори иҷтимоӣ ҳамчун касби серталаб дар соҳаҳои гуногуни фаъолият ва беҳтар кардани сатҳи зиндагӣ дар ҷомеа, таҳия хоҳанд гардид.